Валянціна Коўтун
Валянціна Коўтун, сапр. Валянціна Новік (6 красавіка 1946, в. Дземяхі, Рэчыцкі раён, Гомельская вобласьць — 30 красавіка 2011, Пінск) — беларуская пісьменьніца, літаратуразнаўца. Кандыдатка філялягічных навук (1979)[1].
| Валянціна Коўтун | |
| Асабістыя зьвесткі | |
|---|---|
| Імя пры нараджэньні | Валянціна Міхайлаўна Новік |
| Нарадзілася | 6 красавіка 1946 в. Дземяхі, Рэчыцкі раён, Гомельская вобласьць |
| Памерла | 30 красавіка 2011 (65 гадоў) Пінск |
| Літаратурная дзейнасьць | |
| Род дзейнасьці | літаратуразнаўца, перакладніца, паэтка, журналістка, пісьменьніца |
| Гады творчасьці | 1966—2011 |
| Жанр | паэзія, крытыка |
| Мова | беларуская мова |
| Прэміі | Літаратурная прэмія імя А. Куляшова (1986) |
| Узнагароды | |
Біяграфія
рэдагавацьНарадзілася ў сям’і настаўніка. У 1963 скончыла Малоткавіцкую сярэднюю школу, працавала піянэрважатаю ў Паршавіцкай (цяпер Бярозавіцкай) сярэдняй школе Пінскага раёну.
У 1964 паступіла на філялягічны факультэт Львоўскага дзяржаўнага ўнівэрсытэту, а з 4 курсу перавялася ў Беларускі дзяржаўны ўнівэрсытэт, які скончыла ў 1969. Працавала настаўніцай мовы і літаратуры Варнянскай сярэдняй школы Астравецкага раёну (1969—1970), літкансультанткай «Сельской газеты» (1970—1976). З 1976 — літсупрацоўніца, з 1979 — рэдактарка аддзела крытыкі і літаратуразнаўства часопіса «Полымя», з 1982 г. — загадніца рэдакцыі літаратуры для юнацтва выдавецтва «Юнацтва», з 1990 г. — старэйшая рэдактарка аддзела прозы часопіса «Полымя».
У 1977—1980 вучылася ў асьпірантуры пры Інстытуце мастацтвазнаўства, этнаграфіі і фальклёру АН БССР. Кандыдатка філялягічных навук. Сябра СП СССР з 1976 г. Перакладала з расейскай і ўкраінскай моваў.
У друку выступала з 1966 году.
Творчасьць
рэдагаваць- 1971 — «Каляровыя вёслы», зборнік паэзіі
- 1977 — «На ўзьлёце дня», зборнік паэзіі
- 1984 — «Сьвятло народнага слова: Паэтычны лад беларускай народнай песьні» (дасьледваньні беларускага фальклёру)
- 1985 — «Мы робім казку», паэтычны зборнік для дзяцей
- 1985 — «Мэтраном», зборнік паэзіі
- 1986 — «Вясёлы заасад», паэтычны зборнік для дзяцей
- 1987 — «Крыніца паэзіі: На шляхах эпізацыі», (дасьледваньні беларускага фальклёру)
- 1988 — «Лісты да цябе», зборнік паэзіі
- 1988 — «Калінавая гронка залатая» (зборнік апавяданьняў)
- 2002 — «Пакліканыя» (раман з жыцьця)
Прэміі
рэдагаваць- Ляўрэатка Літаратурнай прэміі СП БССР імя А.Куляшова (1986) за кнігу паэзіі «Метраном»[2].
Крыніцы
рэдагаваць- ^ Любоў Гарэлік. Коўтун Валянціна Міхайлаўна // ЭГБ. — Мн.: 1997 Т. 4. С. 245.
- ^ Коўтун Валянціна // Беларускія пісьменнікі (1917—1990): Даведнік; Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994.
Літаратура
рэдагаваць- Беларускія пісьменнікі (1917—1990): Даведнік; Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. ISBN 5-340-00709-X.
- Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1997. — Т. 4: Кадэты — Ляшчэня. — 432 с. — ISBN 985-11-0041-2