Бітва пры Майпу
Бітва пры Майпу — апошняя вялікая бітва ў барацьбе за незалежнасьць Чылі. Адбылася 5 красавіка 1818 году. Чылійцы на чале з Хасэ дэ Сан Марцінам і Бернарда О’Хігінсам перамаглі гішпанскіх раялістаў.
Хуан Маўрыцыё Ругендас, (1837)
Перайшоўшы праз Анды ў 1817 годзе, арміі Хасэ дэ Сан Марціна і Бернарда О’Хігінса разьбілі гішпанцаў у бітве пры Чакабука і ў бітве пры Чалчуапа. Неўзабаве чылійцы захапляюць Сант’яга. Гішпанскі віцэ-кароль пасылае новую армію пад кіраўніцтвам генэрала Марыяна Асорыя, якая атрымлівае перамогу над чылійцамі ў бітве пры Канча Раяда. Працэс набыцьця незалежнасьці зацягнуўся. Атрымаўшы значную паразу, чылійцы зьбіраюць новую армію і рыхтуюцца да далейшай барацьбы.
У красавіку 1818 году армія Сан Марціна вырушае з Сант’яга ў напрамку Андаў. Пераадолеўшы горы на вышынях да 4000 мэтраў, у скалістых мясьцінах армія падыходзіць да гішпанскага войска на чале з генэралам Асорыя. Гішпанская кавалерыя апынулася ў неспрыяльным для вядзеньня бітвы месцы. Сан Марцін падзяліў сваё войска на дзьве часткі, атачыўшы гішпанцаў. Праз 6 гадзін бітвы, дзякуючы выкарыстаньню сучаснай зброі і спрыяльнаму месцазнаходжаньню войска, чылійцы атрымалі перамогу над гішпанскай арміяй.