Бурж (па-француску: Bourges) — горад у Францыі, адміністрацыйны цэнтар дэпартамэнту Шэр у рэгіёне Цэнтар-Валь дэ Люар. Гістарычная сталіца герцагства Бэрыйскага. Насельніцтва гораду на 2013 год складала 67 189 чалавек.

Бурж
франц. Bourges
Бурж
Blason de Bourges.svg Flag of Bourges.svg
Герб Буржу Сьцяг Буржу


Краіна: Францыя
Рэгіён: Цэнтар-Валь дэ Люар
Дэпартамэнт: Шэр
Кіраўнік: Yann Galut[d]
Плошча: 68,74 км²[1]
Вышыня: 169 м н. у. м.
Насельніцтва: 67 189 чал. (2013)
Часавы пас: UTC+1
летні час: UTC+2
Паштовы індэкс: 18000
Геаграфічныя каардынаты: 47°4′47″ пн. ш. 2°24′2″ у. д. / 47.07972° пн. ш. 2.40056° у. д. / 47.07972; 2.40056Каардынаты: 47°4′47″ пн. ш. 2°24′2″ у. д. / 47.07972° пн. ш. 2.40056° у. д. / 47.07972; 2.40056
Бурж на мапе Францыі
Бурж
Бурж
Бурж
Commons-logo.svg Галерэя здымкаў у Вікісховішчы
http://www.ville-bourges.fr/

ГісторыяРэдагаваць

Да прыходу рымлянаў ўмацаваны Аварык быў адным з найважнейшых гарадоў Галіі, цэнтрам кельцкага племені бітурыгаў. Па некаторых ацэнках селішча мела каля 40 тысяч жыхароў. У 52 годзе да н. э. Вэрцынгеторыг мужна абараняў яго ад Юліюса Цэзара, падчас аблогі Аварыка. Дыёклетыян зрабіў Аварык сталіцай правінцыі Аквітанія Першая.

Карл Вялікі меў ласку да Буржа й аднавіў ягонае значэньне як сталіцы Аквітаніі. Горад быў буйным рэлігійным цэнтрам Сярэднявечча; першы бурскі біскуп, сьвяты Урсын, як лічыцца, жыў яшчэ ў III стагодзьдзі. У палітычным дачыненьні сярэднявечны Бурж быў галоўным горадам герцагаў Бэрыйскіх. Такія грамадзяне Буржа, як Жак Кёр, ня мелі ў Францыі супернікаў па багацьцю.

На зыходзе Стогадовай вайны Карл VII трымаў у 1422—1437 гадох у Буржы свой двор; тут жа ў яго нарадзіўся сын, будучы Людовік XI, які заснаваў у Буржы ўнівэрсытэт, які праіснаваў да Францускай рэвалюцыі. У гэтым унівэрсытэце выкладаў знакаміты юрыст Куяцыюс. Менавіта ў Буржы зьвярнуўся да вучэньня Лютэра Жан Кальвін. У 1849 годзе ў Буржы праходзіў палітычны працэс Блянкі, Люі Бляна, Распайля і іншых па справе аб травеньскім замаху 1848 году.

СлавутасьціРэдагаваць

У Буржы захавалася шмат помнікаў сярэднявечнага мастацтва. Сусьветнай славай карыстаецца катэдральны сабор сьв. Стэфана — адзін з найчысьцейшых узораў гатычнага стылю, пабудаваны ў XIII стагодзьдзі ўсяго за паўстагодзьдзя, што па тых часах было вельмі сьціснутым тэрмінам. Вітражы сабору — адны з найлепшых па захаванасьці й якасьці выкананьня. У крыпце маецца пахавальня герцагаў Бэрыйскіх. У 1992 годзе Бурскі сабор аб’яўлены помнікам Сусьветнай спадчыны чалавецтва.

Акрамя таго, захаваліся палац арцыбіскупа, будынак прэфэктуры, ратушы, дзьве вартавыя вежы рымскага паходжаньня й палац Жака Кёра — адзін з самых бліскучых помнікаў сярэднявечнага грамадзянскага дойлідства ў Эўропе.

Гарады-сябрыРэдагаваць

УраджэнцыРэдагаваць

КрыніцыРэдагаваць

  1. ^ База зьвестак францускіх камунаўInstitut national de l'information géographique et forestière.

Вонкавыя спасылкіРэдагаваць

  Буржсховішча мультымэдыйных матэрыялаў