Брокер

Брокер (анг. broker — пасярэднік) — павераны пасярэднік у гандлі між зацікаўленымі бакамі.

Можа выступаць у якасьці асобы, прадпрыемства і ўстановы. Найчасьцей дзейнічае на даручэньне і за кошт кліента. Радзей ад свайго імя. Атрымлівае плату ў выглядзе камісійнага збору (адсотка ад сумы дамовы). Можа аказваць дадатковыя паслугі ў вывучэньні рынка і рэкляме, выдаваць пазыкі^[1].

Віды

Біржавы (паявы). Аказвае пасярэдніцкія паслугі з каштоўнымі паперамі і таварамі на біржы.
- Дылер. Сябра фондавай біржы, які перапрадае каштоўныя паперы.
Страхавы. Знаходзіць кліенту патрэбнае прадпрыемства паводле віду страхаваньня.
Суднавы. Ладзіць заключэньне дамовы на фрахтаваньне судна.
Валютны. Купля-продаж замежных валютаў^[1].

Паўнамоцтвы

Брокер мае права:

ажыцьцяўляць дамовы аб каштоўных паперах;
загадзя абвяшчаць на біржы ды ў СМІ аб набыцьці або продажы каштоўных папераў кліента;
разьмяшчаць каштоўныя паперы прадпрыемства-выдаўца;
зацьвярджаць ды ўлічваць дамовы аб каштоўных паперах;
рабіць агляд ды прадказаньне стану рынка каштоўных папераў;
даваць парады аб выпуску, разьмяшчэньні, абарачэньні ды ацэньваньні каштоўных папераў;
рабіць вяшчальныя паслугі ўдзельнікам рынка;
весьці рахункі ў каштоўных паперах.

Даручэньне

У дамове даручэньня брокеру маюць згадвацца:

поўнае найменьне ды месцазнаходжаньне бакоў дамовы;
найменьне, від, катэгорыя ды тып каштоўных папераў;
найменьне прадпрыемства-выдаўца каштоўных папераў;
парадак вызначэньня гранічных дапушчальных для выкананьня дамоваў узроўняў іх цаны ды даходнасьці;
памер, выгляд ды парадак атрыманьня брокерам узнагароджаньня;
адказнасьць бакоў за парушэньне абавязкаў;
тэрміны, выгляд ды парадак вырашэньня рознагалосьсяў ды апавяшчэньня брокерам кліента аб выкананьні дамовы.

Абавязкі

Брокер абавязаны:

захоўваць у таямніцы зьвесткі аб даручаных дамовах;
патрабаваць ад прадстаўніка кліента пацьверджаньня яго паўнамоцтваў на прадстаўленьне адпаведных зацікаўленасьцяў;
дзеяць на найбольш выгадных для кліента ўмовах;
выконваць даручэньні кліента ў парадку іх паступленьня ў поўнай адпаведнасьці з атрыманымі ад яго ўказаньнямі;
апавясьціць кліента цягам пяці працоўных дзён аб адкліканьні дазволу на пасярэдніцтва;
неадкладна апавяшчаць кліента пра ўзьнікненьне па прычыне дылерства адваротнай залежнасьці сваёй выгады ад атрыманьня выгады кліентам;
надаваць перавагу зьдзяйсьненьню дамоваў аб каштоўных паперах на даручэньне кліента перад уласным дылерствам^[2].

Крыніцы

^ ^а ^б Брокер // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 1996. — Т. 3. — С. 259. — 511 с. — 10 000 ас. — ISBN 985-11-0068-4
^ Пастанова Міністэрства фінансаў Рэспублікі Беларусь ад 12 верасьня 2006 г. № 112 «Аб рэгуляваньні рынка каштоўных папераў» (рас.). Беларуская валютна-фондавая біржа (30 лістапада 2010). Праверана 3 верасьня 2011 г.

Вонкавыя спасылкі

Брокерскія паслугі // ЗАТ «Лідэр Інвэст», 2017 г. Праверана 26 лістапада 2017 г.

Гэта — накід артыкула па эканоміцы. Вы можаце дапамагчы Вікіпэдыі, пашырыўшы яго.

[б-1] а ^б Брокер // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 1996. — Т. 3. — С. 259. — 511 с. — 10 000 ас. — ISBN 985-11-0068-4

[2] Пастанова Міністэрства фінансаў Рэспублікі Беларусь ад 12 верасьня 2006 г. № 112 «Аб рэгуляваньні рынка каштоўных папераў» (рас.). Беларуская валютна-фондавая біржа (30 лістапада 2010). Праверана 3 верасьня 2011 г.

[1]

[2]