Баран (сузор’е)

Баран (таксама Авен або Овен; па-лацінску: Aries, Ari) — задыякальнае сузор’е ў паўночным паўшар’і, мяжуе з Рыбамі на захадзе і Цяльцом на ўсходзе. Лацінская назва Aries азначае «авечка», а сымбалем сузор’я зьяўляецца знак (у Юнікодзе — ♈), які сымбалізуе рогі барана. Баран — адно з 48 сузор’яў, апісаных у II ст. Пталемэем, адкуль было ўключанае ў сьпіс 88 сучасных сузор’яў. Сузор’е займае 39-е месца паводле памераў, якія складаюць 441 кв. градус (1,1% ад нябеснай сфэры).

Баран
Сьпіс зорак у сузор’і Барана
Лацінская назва	Aries
· у родным склоне	Arietis
· скарот	Ari
Простае ўзьняцьцё	3г
Схіленьне	+20°
Квадрант	NQ1
Плошча	441 кв. гр. (39-е)
Зорак паводле Баера/Флэмстыда	67
Зорак з плянэтамі	6
Зорак ярчэй за 3.00m	2
Зорак у 10 пк (32,62 сьв. г.)	2
Найярчэйшая зорка	α Ari (2,01m)
Найбліжэйшая зорка	Зорка Тыгардэна (SO 0253+1652) (12,58 сьв. г., 3,86 пк)
Мэтэорныя патокі	Арыетыды
Памежныя сузор’і	Пэрсэй Трыкутнік Рыбы Кіт Цялец
Назіраецца ў шыротах паміж +90° і −60°. Найлепш назіраецца ў 21:00 на працягу сьнежня.

Баран — ня яркае сузор’е, у ім знаходзіцца толькі чатыры яркія зоркі: Гамаль (α Ari, другая велічыня), Шэратан (β Ari, трэцяя велічыня), Мэзартым (γ Ari, чацьвертая велічыня) і 41 Барана (таксама чацьвертая велічыня). У сузор’і Барана пачынаецца мэтэорны паток Арыетыды, названы паводле лацінскай назвы сузор’я.

Глядзіце таксама

• Авен (знак задыяку)

Літаратура

• Thompson, Robert Bruce; Thompson, Barbara Fritchman Illustrated Guide to Astronomical Wonders. — O'Reilly Media, 2007. — ISBN 978-0-596-52685-6.
• The 100 Nearest Star Systems / Research Consortium on Nearby Stars. — 2012.

Вонкавыя спасылкі

Баран (сузор’е) — сховішча мультымэдыйных матэрыялаў

• The Deep Photographic Guide to the Constellations: Aries (анг.)