Багуслаў Эрнэст Дэнгаф

Багуслаў Эрнэст Дэнгаф (? — 1734) — дзяржаўны і вайсковы дзяяч Вялікага Княства Літоўскага, Рэчы Паспалітай. Падкаморы вялікі літоўскі (з 1702), генэрал літоўскай артылерыі (1710—1725). Генэрал-лейтэнант (1705), быў старостам сакольніцкім.

Багуслаў Эрнэст Дэнгаф

Герб «Дзік»
Асабістыя зьвесткі
Нарадзіўся	XVII стагодзьдзе
Памёр	1734
Род	Дэнгафы
Бацькі	Герард Дэнгаф

Біяграфія

Прадстаўнік шляхецкага роду Дэнгафаў гербу ўласнага «Дзік», сын Герарда, падстолія вялікага літоўскага, і Ганны Бэаты фон Гальштэйн.

У 1699—1706 гадох камандаваў рэгімэнтам пешай гвардыі Каралеўства Польскага, у 1702 годзе атрымаў урад падкаморага вялікага літоўскага. Пазьней камандаваў рэгімэнат пяхоты Вялікага Княства Літоўскага, у 1711 годзе таксама камандзір рэгімэнта драгунаў.

Ажаніўся з Мар’янай Бялінскай (шлюб у 1703 годзе), вядомай як каханка караля і вялікага князя Аўгуста Моцнага. Разьвёўся ў 1719 годзе, дзяцей не пакінуў.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 1: Абаленскі — Кадэнцыя. — Менск: Беларуская Энцыклапедыя, 2005. — 684 с.: іл. ISBN 985-11-0314-4.