Бабіна каша

Ба́біна ка́ша — у беларусаў абрадавая страва на радзінах.

Бабіна каша
Паходжаньне	Беларусь
Распаўсюджаныя складнікі	каша з прасяных, ячных або грэцкіх крупаў на малацэ, зь яйкамі, мёдам, цукрам, маслам

Каша з прасяных, ячных або грэцкіх крупаў на малацэ, зь яйкамі, мёдам, цукрам, маслам, якую варыла бабка-павітуха. Бабіну кашу падавалі пад канец сьвяточнага абеду, калі пачынаўся «торг» за яе. Пасьля «торгу» гаршчок з бабінай кашай заставаўся ў самага шчодрага (звычайна гэта быў кум) госьця. Ён разьбіваў гаршчок на шчасьце нованароджанаму і частаваў усіх кашай на чарапку. У наш час на радзінах замест бабінай кашы па традыцыі ў гаршчку падаюць цукеркі, печыва і іншыя стравы.

Літаратура

Гэты артыкул створаны з дапамогай матэрыялаў з: Таццяна Кухаронак, праект «Наша ежа».