Араны (прадмесьце)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Араны (неадназначнасьць).

Араны, Аранскае прадмесьце — гістарычная мясцовасьць Менску, разьмешчаная ў паўднёвай частцы места. Назва ўтварылася ад урочышча Аранаў.

На паўднёвы захад ад Аранаў пачынаюцца Сенажаны, на паўночны захад — Уборкі, на поўнач — Ляхаўка, на захад — Тры Карчмы, на поўдзень — Серабранскія Млыны^[1].

Назва

Аран або Арна (Aran, Arno) — імя германскага паходжаньня^[2].

Гісторыя

У 1909 року сябра мескай управы В. Цывінскі склаў праект на пабудову Аранскага і Татарскага мастоў праз раку Сьвіслач. Гэтымі мастамі мусіў кіравацца грузавы гужавы транспарт, каб не загрувашчваць цэнтральныя вуліцы і не разбураць тамтэйшыя маставыя. У 1917 року масты збудавалі на сродкі вайсковага ведамства (на кожны мост і выпраўленьне шляхоў асыгноўвалася 100 тыс. рублёў)^[3].

У наш час пра колішняе прадмесьце напамінае Аранская вуліца, якая зьберагла сваю гістарычную назву.

Крыніцы

^ Гісторыя Мінска. — Менск, 2006. C. 196—197. [1]
^ Förstemann E. W. Altdeutsches Namenbuch. Bd. 1: Personennamen. — Bonn, 1900. S. 137.
^ Памяць: Гіст.-дакум. хроніка Мінска. Кн. 2. — Мн., 2002. C. 177.

Літаратура

Гісторыя Мінска. 1-е выданне. — Менск: БелЭн, 2006. — 696 с. ISBN 985-11-0344-6.
Памяць: Гіст.-дакум. хроніка Мінска. У 4 кн. Кн. 2-я. — Мн.: БЕЛТА, 2002. — 714 с.: іл. ISBN 985-6302-46-3.

Вонкавыя спасылкі

Шпацыраваньне Аранамі, Бібліятэка Менчука (рас.)

[m-2-1] Гісторыя Мінска. — Менск, 2006. C. 196—197. [1]

[2] Förstemann E. W. Altdeutsches Namenbuch. Bd. 1: Personennamen. — Bonn, 1900. S. 137.

[3] Памяць: Гіст.-дакум. хроніка Мінска. Кн. 2. — Мн., 2002. C. 177.

[1]

[2]

[3]