Андрэ Пляншэ
Андрэ Пляншэ (па-француску: André Planchè; па-ангельску: Andrew Planche, каля 1727—1809) — ганчар, сын францускіх уцекачоў-гугенотаў. Жыў у Дэрбі з 1751 году (імаверна, да сярэдзіны 1756 году), мяркуецца, што нарадзіўся ў Вэстмінстэры[1]. У яго было як мінімум чацьвёра дзяцей — Пол, Джэймз, Джэймз Бараўс (байструк) і Ўільям (Paul, James, James Burrows, William)[2].
Андрэ Пляншэ | |
| André Planchè (Andrew Planche) | |
 Кітаец і хлопчык; работа Пляншэ са збораў Музэю і мастацкай галерэі Дэрбі | |
| Род дзейнасьці | ганчар |
|---|---|
| Дата нараджэньня | 1727 |
| Месца нараджэньня | |
| Дата сьмерці | 1809 |
| Месца сьмерці |
|
| Грамадзянства | Вялікабрытанія |
| Занятак | артыст, бізнэсмэн |
Мадэляваньню і вырабу парцаляны яго навучыў бацька, які працаваў ў Мэйсэне. Мяркуецца, што навучаньне ішло ў Лёндане ў пэрыяд 1740—1747 гадоў[1]. Ва ўзросьце 17 гадоў маладой Пляншэ ўжо выконваў невялікія вырабы на дэрбскай парцалянавай фабрыцы. У 1749 годзе ён працаваў на Ўільяма Літлэра (William Littler) у Лонгтан-Холе[3]. З 1756 году ён працаваў на Ўільяма Д’юсбэры на яго новай парцалянавай фабрыцы на Нотынггэм Роўд, якая пазьней стала Royal Crown Derby[4].
Парцалянавыя фігуры, якія, як мяркуецца, былі змадэляваныя Пляншэ, зьяўляюцца рэдкімі. Музэй і мастацкая галерэя Дэрбі валодае мадэльлю пачатку 1752 году, якая паказвае кітайца і хлопчыка. Гэтая мадэль пэрыяду «Dry Edge», які доўжыўся з 1750 па 1756 гады; пэрыяд атрымаў сваю назву празь неглязураваную аснову вырабаў[1].
Крыніцы
рэдагаваць- ^ а б в Chinaman and Boy Treasures of Derby. Derby.gov.uk. Праверана 18 June 2011 г.
- ^ Peter Bradshaw 18th century English porcelain figures, 1745-1795. — 1981.
- ^ George Bernard Hughes; Therle Hughe English porcelain and bone china, 1743-1850. — 1968.
- ^ William Bemrose Bow, Chelsea, and Derby Porcelain. — London: Bemrose & Sons, Ltd., 1898. — P. 103—104.