Анатоль Бароўскі
Анато́ль Баро́ўскі (нар. 12 траўня 1942 году ў вёсцы Крушнікі Мазырскага раёну Гомельскай вобласьці) — беларускі пісьменьнік.
| Анатоль Бароўскі | |
| Асабістыя зьвесткі | |
|---|---|
| Нарадзіўся | 12 траўня 1942 (82 гады)
|
| Літаратурная дзейнасьць | |
| Род дзейнасьці | пісьменьнік, паэт, публіцыст |
| Гады творчасьці | 1963 — цяпер |
| Мова | беларуская мова[1] і расейская мова[1] |
| Узнагароды | |
- Вікіпэдыя мае артыкулы пра іншых асобаў з прозьвішчам Бароўскі (неадназначнасьць).
Жыцьцяпіс
рэдагавацьНарадзіўся ў сям’і настаўніка. Пасьля заканчэньня Асавецкай сярэдняй школы Мазырскага раёну (1960) працаваў у калгасе, затым на заводзе жалезабэтонных вырабаў у Мазыры, настаўнікам пачатковых клясаў у вёсцы Турбінка Мазырскага раёну. 1961—1962 — студэнт Мазырскага пэдагагічнага інстытуту (скончыў завочна ў 1967). У 1962—1964, 1968—1970 — служыў у Савецкай арміі. Працаваў у Мазырскай раённай газэце «Камуніст Палесься», адказным сакратаром гарадзкога таварыства «Веды», інструктарам гаркаму партыі, намесьнікам дырэктара вучылішча геалёгіі (Мазыр). З 1975 — уласны карэспандэнт гаэты «Чырвоная змена» па Гомельскай і Берасьцейскай абласьцях. Член Саюзу пісьменьнікаў СССР з 1990 году.
Творчасьць
рэдагавацьДрукуецца з 1963. Аўтар кніг прозы «Каліна пад акном» (1987), «Азірніся ў каханьні» (1994), «Чорны бусел — белы цень» (1997), «Пякельны рай» (2002), «Спакуса» (2007), «Будуем заўтрашні дзень» (2008), «Мы — Юніцкія» (2010), «Раманы. Аповесці. Апавяданьні» (двухтомнік, 2012), "Юніцкага нябесныя дарогі " (2014), «К небесам — через тернии» (2018), кнігі вершаў «З бліскавіцай заручуся» (2007).[2] «Мікола Пушкар — вязень, мастак, перасмешнік» (2020), «Воляй абраны», «Кузьня», "Пацалунак Юніты (2021)
Грамадзкая дзейнасць
рэдагавацьБольш за пятнаццаць гадоў узначальваў Гомельскую абласную арганізацыю Таварыства беларускай мовы. Старшыня Гомельскага абласнога аддзяленьня Саюзу беларускіх пісьменьнікаў[2].
Узнагароды
рэдагавацьЛяўрэат літаратурнай прэміі «Воін Сьвятла» за раман «Воляю абраны» пра нацыянальна-вызваленчую барацьбу беларускага народу супраць Расейскай імпэрыі (1863—1864).[2]
Крыніцы
рэдагаваць- ^ а б Baroŭskì, Anatol‘ // Нацыянальная служба Чэскай рэспублікі
- ^ а б в 26 січня на Грушевського вперше вручатимуть літературну премію «Воїн світла» // 24 січня 2016 Мистецький портал «Жінка-УКРАЇНКА»