Алі́на Арло́ва (па-летувіску: Alina Orlova; нар. 28 чэрвеня 1988, Вісагіня, сапраўднае прозьвішча — Арлоўская) — летувіская сьпявачка. Сьпявае песьні па-летувіску, расейску, ангельску. Акрамя ўласных песьняў, таксама выконвае кавэр-вэрсіі песьняў замежных выканаўцаў (ДДТ, Moby ды інш.).

Аліна Арлова
Аліна Арлоўская
Дата нараджэньня 28 чэрвеня 1988 (35 гадоў)
Месца нараджэньня Вісагіня, Летува
Грамадзянства Летува
Прафэсія сьпявачка, аўтар-выканаўца, піяністка
Навуковая сфэра паэзія
Жанры індзі[d], альтэрнатыўны рок[1], індзі-фольк[d], дайна і барока-поп[d]
Інструмэнты фартэпіяна
Псэўданімы Аліна Арлова
Узнагароды
Сайт Старонка на Myspace

Біяграфія рэдагаваць

Бацька сьпявачкі па паходжаньні беларус, які нарадзіўся ў Летуве. Маці нарадзілася ў Варонежы (Расея). Калі бацькі былі маленькімі, іхнія сем’і пераехалі ў Казахстан. Там яны жылі ў адным доме па суседзтве, будучыя бацькі Аліны пасябравалі, потым ажаніліся і вырашылі паехаць у Летуву[2]. Аліна скончыла літоўскую школу ў Вісагіні[2]. Яна мае малодшага брата.

Творчасьць рэдагаваць

Прэзэнтацыя дэбютнага альбому Laukinis šuo dingo (па-беларуску: Дзікі сабака дынга) у Летуве адбылася ў студзені 2008 году — у касьцёле Сьв. Кацярыны. Гэты выступ трансьляваўся па летувіскім тэлебачаньні. Назва плыткі пазычана ў аднайменнага твору Рувіма Фраермана, аднак у назьве прысутнічае гульня словаў: яе дакладны пераклад зь летувіскае — «Дзікі сабака зьнік» (тады як назва кнігі Фраермана правільна па-летувіску гучыць як Laukinis šuo dingas). Жанр песьняў Арловай брытанскі музычны крытык вызначыў як «бадзера-пануры балтыйскі фольк-поп»[3], а расейскі — як псыхафольк[4]. У Маскве канцэрт-прэзэнтацыя адбыўся 5 траўня ў клюбе «Апельсин»[5]. У Расеі плытка выйшла пад лэйблам «Снегири». Праз тры тыдні адбыліся аншлагавыя выступы сьпявачкі ў Лівэрпулі (28 траўня) ды Лёндане (29 траўня)[6].

У лістападзе таго самага году сваім выступам Аліна Арлова закрывала кіеўскі фэст незалежнае музыкі Moloko Music Fest[7].

У лютым 2010 на расейскім партале openspace.ru была прэзэнтаваная новая песьня «Чудеса»[8]. У чэрвені Аліна выступіла на летувіскім фэсьце Be2gether. Яе выступ базаваўся на песьнях, падрыхтаваных для новага альбому. У тым самым годзе францускі індзі-лэйбл «Fargo Music» выдаў дэбютнік у краінах Заходняй Эўропы.[9]

1 ліпеня 2010 году ў Вільні адбылася прэзэнтацыя альбому «Mutabor».

Дыскаграфія рэдагаваць

Крыніцы рэдагаваць

  1. ^ http://www.music-story.com/alina-orlova/biographie
  2. ^ а б Баярынаў Д. Алина Орлова: «Я не знаю, кто я» // OpenSpace.Ru. — 2010. — 1 сент.
  3. ^ exhilaratingly dark, Baltic folk pop — Bella Todd. Alina Orlova // Time Out London, May 27, 2008.
  4. ^ Аліна Арлова ў «Апельсине» // Коммерсантъ Weekend. — 2008. — 8 мая.
  5. ^ Аліна Арлова ў «Апельсине»
  6. ^ Alina Orlova koncertuos Liverpulyje ir Londone
  7. ^ Moloko Music Fest: Брати і сестри во інді — Артыкул пра фэст у выданьні «Українська Правда» (укр.).
  8. ^ Новая песьня «Чудеса» — відаэ на партале Openspace.ru
  9. ^ A.Orlovos albumai bus parduodami V.Europoje ir Skandinavijoje

Вонкавыя спасылкі рэдагаваць