Аляксандар Хадкевіч (ваявода троцкі)

ваявода троцкі

Аляксандар Хадкевіч (памёр 1626) — з 1605 году ваявода троцкі, граф (святой Рымскай імперыі) на Шклове і Мышы.

Аляксандар Хадкевіч
Асабістыя зьвесткі
Нарадзіўся 1560[1]
Памёр 1626[2]
Род Хадкевічы
Бацькі Ян Хадкевіч
Крысьціна Збароўская[d]
Дзеці Ганна Эўфрасіньня Хадкевіч[d]
Дзейнасьць вайсковец

Быў старэйшым братам Яна Караля Хадкевіча. Вывучаў філасофію і права ў езуіцкай акадэміі ў Інгалштаце. У 1588 абараніў і абвесціў дысертацыю De communibus naturalium rerum principiis. У 1589 для заканчэння штудый выехаў у Італію. У 1590 вярнуўся ў ВКЛ. У 1595 быў паслом на сойм. У 1600 разам з братам Янам Каралем удзельнічаў у выправе Я. Замойскага на Валахію, у 1601 падтрымліваў збройныя дзеянні ў Інфлянтах. Удзельнічаў у бітве пад Кірхгольмам у 1605. Стаў ваяводам троцкім, але меў працяглы асабісты канфлікт з малодшым братам, за падзел маёмасці і жаніцьбы, а пасля яго смерці, з Львом Сапегам за яго спадчыну.

У 1613 годзе быў абраны да Скарбовага Трыбуналу ВКЛ. У 1613 годзе быў вызначаны сенатарам рэзідэнтам. Адзіная дачка Ганна Еўфрасіння выйшла замуж за харужага Пракопа Сеняўскага.

Крыніцы рэдагаваць

  1. ^ Aleksander Chodkiewicz // NUKAT — 2002.
  2. ^ Senatorowie i dygnitarze Wielkiego Księstwa Litewskiego 1386—1795 / пад рэд. J. WolffKraków: 1885. — С. 59.