Алесь Чумакоў
Алесь Чумакоў (нарадзіўся ў 1981 годзе, Менск) — майстар-гусьляр, адзін з музыкаў гурта «Стары Ольса».
Алесь Чумакоў | |
 | |
| Дата нараджэньня | 14 чэрвеня 1981 (43 гады) |
|---|---|
| Месца нараджэньня | |
| Месца вучобы | |
| Занятак | перакладнік, сьпявак, вырабнік музычных інструмэнтаў, гусляр, дудар |
| Жанры | народная музыка[d] |
| Інструмэнты | гусьлі і дуда |
| Сайт | gusli.by/bel/workshop.ht… |
Біяграфія
рэдагавацьСкончыў Беларускі дзяржаўны ўнівэрсытэт інфарматыкі і радыёэлектронікі. Паводле адукацыі інжынэр па аўтаматычным кіраваньні і перакладчык з замежных моваў. Падчас студэнцтва быў актыўным удзельнікам клюбаў аўтарскай песьні «Плёс», КАП БДУ і клюбу аўтарскай песьні Лінгвістычнага ўнівэрсытэту.
У 2002 годзе зрабіўся сталым удзельнікам гурту сярэднявечнай музыкі «Стары Ольса», дзе і па сёньня сьпявае, грае на гусьлях, жалейках і шматлікіх іншых старадаўніх інструмэнтах.
У 2005 годзе стварыў гурт «Келіх кола», зь якім і сёньня выконвае на дудзе і гусьлях беларускія народныя танцы.
У 2006 годзе пачаў перакладаць ірляндзкія гераічныя паэтычныя творы на беларускую мову. Сёньня гурт «Ceilidh Ceol» голасам Алеся Чумакова сьпявае на беларускай мове старадаўнія ірляндзкія песьні, у якіх гучыць заклік да свабоды і ўшаноўваецца памяць продкаў.
Дзейнасьць
рэдагавацьЗ пачатку 21 стагодзьдзя займаецца вырабам гусьляў, вывучэньнем гісторыі гэтага інструмэнта, тэорыі й практыкі гусельнага майстэрства. Пэўную колькасьць работ (гусьляў) зрабіў пад кіраўніцтвам Зьмітра Сасноўскага.