Аленьчыкавыя (Tragulidae) — сямейства клясы сысуноў; уключае 3 сучасныя роды і 10 сучасных відаў. Гэтыя жывёлы насяляюць Паўднёва-Ўсходнюю Азію і Афрыку. Самыя раньнія аленьчыкавыя вядомыя зь позьняга эацэна Паўднёва-Ўсходняй Азіі. Яны былі шырока распаўсюджаныя і пасьпяховыя да міяцэна[1][2].

Аленьчыкавыя
Mouse-deer Singapore Zoo 2012.JPG
Tragulus kanchil
Клясыфікацыя
Царства Жывёлы (Animalia)
Тып Хордавыя (Chordata)
Падтып Хрыбетныя (Vertebrata)
Надкляса Чатырохногія (Tetrapoda)
Кляса Сысуны (Mammalia)
Падкляса Зьвяры (Theria)
Інфракляса Пляцэнтарныя (Placentalia)
Атрад Парнакапытныя (Artiodactyla)
Падатрад Жуйкавыя (Ruminantia)
Сямейства Аленьчыкавыя
Бінамінальная намэнклятура
Tragulidae
H. Milne-Edwards, 1864

Гэта маленькія жывёлы, 2,3–4,6 кг. Іх поўсьць мае адценьне карычневага зьверху і белага зьнізу. На целе могуць быць белыя плямы і палосы. Іх цела выглядае кароткім і кампактным, а ногі — худымі. У іх адсутнічаюць залозы, агульныя для многіх прадстаўнікоў іх атрада. Рогі таксама адсутнічаюць. Іклы буйныя і выгнутыя ў самцоў, меншыя ў самак. Зубная формула: 0/3, 1/1, 3/3, 3/3 = 34. Страўнік 3-камерны[1][2].

Гэта звычайна адзіночныя і начныя жывёлы, якія жывуць у густой расьліннасьці на лясной падсьцілцы. Яны ў першую чаргу траваедныя (ядуць травы, лісьце, садавіну), але ядуць і бесхрыбетных, дробных сысуноў, а часам харчуюцца і падлай[1][2].

СыстэматыкаРэдагаваць

Аленьчыкавыя (Tragulidae)

  • род Hyemoschus
    • від Hyemoschus aquaticus
  • род Moschiola
    • віды: M. indica, M. kathygre, M. meminna
  • род аленьчык[3] (Tragulus)
    • віды: T. javanicus, T. kanchil, T. napu, T. nigricans, T. versicolor, T. williamsoni
  • вымерлыя роды: †Afrotragulus, †Archaeotragulus, ?†Choilodon, †Cryptomeryx, †Dorcabune, †Dorcatherium, †Hyomoschus, †Iberomeryx, †Krabimeryx, †Siamotragulus, †Yunnanotherium

КрыніцыРэдагаваць

  1. ^ а б в Myers P. (2001) Tragulidae(анг.). Animal Diversity Web. Праверана 08.03.2021 г.
  2. ^ а б в Vaughan T., Ryan J., Czaplewski N. Mammalogy. — Jones & Bartlett Learning, 2011. — С. 347, 348. — 750 с. — ISBN 9780763762995(анг.)
  3. ^ Беларуская навуковая тэрмінолёгія. Выпуск дванаццаты. Назовы жывёл / Смоліч Ар.. — Менск: Інстытут Беларускае Культуры, 1927. — 71 с.