Адольф Варановіч

Адольф Усьцінавіч Варановіч (15 чэрвеня 1940, Мікольцы, Мядзельскі раён - 2001) — беларускі пісьменьнік. Сябра СП СССР з 1979 году.

Адольф Варановіч
Асабістыя зьвесткі
Нарадзіўся 15 чэрвеня 1940(1940-06-15)
Мікольцы (вёска), Мядзельскі сельсавет, Мядзельскі раён, Вялейская вобласьць, БССР, СССР
Памёр 2001
Літаратурная дзейнасьць
Род дзейнасьці пісьменьнік

ЖыцьцяпісРэдагаваць

Нарадзіўся ў сялянскай сям'і. Пасьля заканчэньня Мядзельскай сярэдняй школы ў 1957 годзе паступіў у Менскую мастацкую вучэльню, якую скончыў у 1960 годзе. Працаваў у мастацкай майстэрні Аршанскага льнокамбінату мастаком па тканінах, а таксама ў дзіцячай мастацкай школе выкладчыкам. З 1989 году - чалец сцэнарна-рэдакцыйнай калегіі Дзяржаўнага камітэту БССР па тэлебачаньні і радыёвяшчаньні.

ТворчасьцьРэдагаваць

Першыя апавяданьні апублікаваў у 1970 годзе ў штотыднёвіку «Літаратура і мастацтва»). Выдаў кнігі аповесьцей і апавяданьняў «Высокі падмурак» (1978), «Агні хат» (1986).

ЛітаратураРэдагаваць

  • Беларуская энцыкляпэдыя: У 18 т. Т.4: Варанецкі — Гальфстрым / Рэдкал.: Г. П. Пашкоў і інш. — Мн.: БелЭн, 1997. — Т. 4. — 480 с. — 10 000 ас. — ISBN 985-11-0090-0
  • Казімер Камейша «Душа прасілася ў Мікольцы» // Полымя.--2010.-No 6.--С. 162-168. 82