Адальстэйн Аўсбэрг Сыгурдсан
Адальстэйн Аўсбэрг Сыгурдсан (нар. 22 ліпеня 1955, Гусавік, Ісьляндыя) — ісьляндзкі літаратар і бард.
| Адальстэйн Аўсбэрг Сыгурдсан | |
| Aðalsteinn Ásberg Sigurðsson | |
| Асабістыя зьвесткі | |
|---|---|
| Нарадзіўся | 22 ліпеня 1955 (68 гадоў) Гусавік
|
| Літаратурная дзейнасьць | |
| Род дзейнасьці | паэт, пісьменьнік, перакладнік |
| Мова | ісьляндзкая |
| Дэбют | 1977 |
Жыцьцяпіс рэдагаваць
У 1976 року скончыў Камэрцыйны коледж у Рэйк’явіку, пасьля Рэйк’явіцкі музычны коледж(is), вывучаў ісьляндзкую мову ва ўнівэрсытэце Ісьляндыі.
Пачынаў працаваць рэпартэрам, аднак з 1978 заняўся выключна літаратурнай творчасьцю. У 1988—1998 роках быў старшынём Ісьляндзкага таварыства літаратараў і кампазытараў (ісьл. Félag Tónskálda og Textahöfunda).
У 2014 року наведваў Беларусь, браў удзел у «Стральцоўскім фэсьце»[1].
Творчасьць рэдагаваць
Дэбютаваў у 1977 року паэтычным зборнікам «Неруш». Выдаў 10 паэтычных кнігаў, раман «Падарожжа на дваіх»[2], больш за тузін дзіцячых кнігаў, пераклады нарвэскіх, швэдзкіх, гэльскіх, амэрыканскіх, летувіскіх, шэтляндзкіх твораў.
Акрамя літаратуры, займаецца таксама музыкай. Быў адным з заснавальнікаў гурту «Vísnavinir»; цяпер выступае ў складзе гурту «Hálft í hvoru»[3]. Аўтар словаў да песьні «Eitt lag enn(is)» (бел. Яшчэ адна песьня) гурта «Stjórnin», зь якой музыкі занялі 4-е месца на «Эўрабачаньні-1990».
Беларускія пераклады рэдагаваць
У 2023 годзе выйшаў зборнік выбраных вершаў «Чорнае неба» ў перакладзе Марыі Пушкінай[4].
Крыніцы рэдагаваць
- ^ Паэтычны велашпацыр «Рэйк’явік — Ўэлінгтан». Саюз беларускіх пісьменьнікаў. Праверана 1 верасьня 2016 г.
- ^ Aðalsteinn Ásberg Sigurðsson (ісьл.). Reykjavík City Library. Праверана 1 верасьня 2016 г.
- ^ Hálft í hvoru Þjóðlagasveit (ісьл.) Ísmús Праверана 1 верасьня 2016 г.
- ^ Ісландская паэзія па-беларуску
Вонкавыя спасылкі рэдагаваць
- Жыцьцяпіс // Саюз беларускіх пісьменьнікаў
- Адальстэйн Аўсбэрг Сыгурдсан у Facebook