Абіджан

	Абіджан
Герб Абіджану	Сьцяг Абіджану
Дата заснаваньня:	1898
Краіна:	Кот д’Івуар
Дэпартамэнт:	Абіджан
Плошча:	2119 км²;
Вышыня:	18 м н. у. м.
Насельніцтва:	▲5 616 633 чал. (2021);
Тэлефонны код:	00225
Геаграфічныя каардынаты:	5°20′11″ пн. ш. 4°1′36″ з. д. / 5.33639° пн. ш. 4.02667° з. д.Каардынаты: 5°20′11″ пн. ш. 4°1′36″ з. д. / 5.33639° пн. ш. 4.02667° з. д.
	Абіджан на мапе Кот д’Івуару Абіджан
	Галерэя здымкаў у Вікісховішчы
	http://www.districtabidjan.ci/

Абіджа́н (па-француску: Abidjan) — горад у Кот д’Івуары і, фактычна, ейная эканамічная сталіца. Паводле стану на 2021 год насельніцтва гораду складала 6,3 мільёнаў жыхароў^[2], што фармуе прыкладна 21,5% ад агульнага насельніцтва краіны, што робіць яго шостым паводле велічыні горадам у Афрыцы, пасьля Лагаса, Каіру, Кіншасы, Дар-эс-Саламу і Яганэсбургу. Зьяўляючыся адным з цэнтраў Заходняй Афрыкі, Абіджан характарызуецца высокім узроўнем індустрыялізацыі і урбанізацыі. Гэта таксама адзін з самых густанаселеных францускамоўных гарадоў у сьвеце. Горад хутка павялічваўся пасьля будаўніцтва новай прыстані ў 1931 годзе, а затым абвяшчэньнем места сталіцай тагачаснай калёніі ў 1933 годзе. Абіджан стаўся сталіцай Кот д’Івуару па здабыцьці незалежнасьці ад Францыі ў 1960 годзе. У 1983 годзе горад Ямусукра быў прызначаны афіцыйнай палітычнай сталіцай краіны. Тым ня менш, Абіджан лічыцца эканамічнай сталіцай праз свой памер і эканамічную моц. Таксама амаль усе палітычныя інстытуцыі і замежныя амбасады працягваюць месьціцца ў Абіджане.