Інстытут жыльлёва-камунальнай гаспадаркі

дасьледчая ўстанова Нацыянальнай акадэміі навук Беларусі

Інстытут жыльлёва-камунальнай гаспадаркі — дасьледчая ўстанова Нацыянальнай акадэміі навук Беларусі, заснаваная ў студзені 2018 году.

Інстытут жыльлёва-камунальнай гаспадаркі

Будынак Інстытуту (2020 год)
Абрэвіятура ІЖКГ
Дата ўтварэньня 25 студзеня 2018 (6 гадоў таму)[1]
Тып навуковая
Юрыдычны статус дзяржаўная ўстанова
Мэта зьмяншэньне выдаткаў у жыльлёва-камунальнай гаспадарцы
Штаб-кватэра Першамайскі раён, вул. Купрэвіча, д. 10
Месцазнаходжаньне Менск
Каардынаты 53°55′35″ пн. ш. 27°41′23″ у. д. / 53.92639° пн. ш. 27.68972° у. д. / 53.92639; 27.68972Каардынаты: 53°55′35″ пн. ш. 27°41′23″ у. д. / 53.92639° пн. ш. 27.68972° у. д. / 53.92639; 27.68972
Дзейнічае ў рэгіёнах Беларусь
Афіцыйныя мовы расейская
Кіраўнік Вадзім Кіцікаў
Намесьнік па навуковай працы Іван Бараноўскі
Навуковая сакратарка Ірына Вага[2]
Матчына кампанія Нацыянальная акадэмія навук Беларусі
Сайт institut-gkh.by

На 2022 год уваходзіў у склад Аддзяленьня фізыка-тэхнічных навук НАНБ[3]. Налічваў 4 аддзелы: 1) эканомікі жыльлёва-камунальнай гаспадаркі (ЖКГ), 2) інфарматызацыі ЖКГ, 3) жыльлёвай гаспадаркі, 4) рэсурсаў і навукова-тэхнічнага разьвіцьця. Укараняў энэргаашчадныя прылады ў жытло. Распрацоўваў жыльлёвыя нарматывы. Ладзіў маніторынг выдаткаў у ЖКГ. Праводзіў навуковыя дасьледаваньні ЖКГ[4].

3 кастрычніка 2017 году намесьнік старшыні ўраду Беларусі Анатоль Калінін заявіў: «Урадам прынята рашэньне аб стварэнні пры Акадэміі навук інстытута, які будзе займацца непасрэдна пытаньнямі галіны жыллёва-камунальнай гаспадаркі»[5]. 13 сьнежня 2017 году па міністар жыльлёва-камунальнай гаспадаркі Аляксандар Церахаў паведаміў, што ў інстытуце мелі стварыць 6 аддзелаў, 4 зь якіх адразу: жыльлёвай гаспадаркі, інфарматызацыі ЖКГ, рэсурсаў і навукова-тэхнічнага разьвіцьця, эканомікі. Першым заданьнем для Інстытуту ЖКГ была распрацоўка тэхнічных патрабаваньняў да надзейнасьці і энэргаёмістасьці новага пакаленьня ліфтаў[6].

25 студзеня 2018 году Бюро Прэзыдыюму НАН Беларусі ўхваліла Пастанову № 33 аб стварэньні Інстытуту жыльлёва-камунальнай гаспадаркі. 3 кастрычніка 2019 году кіраўнікі ІЖКГ Вадзім Кіцікаў паведаміў пра распрацоўку адзінай цэнтралізаванай сыстэмы ўліку рэсурсаў ЖКГ. Укараненьне бескантактнай перадачы зьвестак з прыбораў уліку мела дазволіць пазьбегнуць выдаткаў працы на зьняцьцё паказаньняў прыбораў і разьлік плацяжоў. Для гэтага разьлічвалі задзейнічаць оптавалаконныя лініі апэратараў электрасувязі. Зьвесткі мелі паступаць з прыбораў уліку выдаткаў вады і электраэнэргіі, газу і цяпла ў цэнтар уліку камунальных рэсурсаў. Адпаведнымі зьвесткамі маглі карыстацца дыспэтчары і бухгальтэрыя ЖКГ, разьлікова-даведкавы цэнтар, самі спажыўцы і пастаўнікі паслуг, а таксама органы дзяржаўнага кіраваньня[7].

Крыніцы рэдагаваць

  1. ^ Пра інстытут (рас.) // Інстытут жыльлёва-камунальнай гаспадаркі, 2022 г. Праверана 15 сьнежня 2022 г.
  2. ^ Кіраўніцтва інстытуту (рас.) // Інстытут жыльлёва-камунальнай гаспадаркі, 2022 г. Праверана 15 сьнежня 2022 г.
  3. ^ Аддзяленьне фізыка-тэхнічных навук // Нацыянальная акадэмія навук Беларусі, 2022 г. Праверана 15 сьнежня 2022 г.
  4. ^ Арганізацыі Аддзяленьня фізыка-тэхнічных навук // Нацыянальная акадэмія навук Беларусі, 8 лістапада 2018 г. Праверана 15 сьнежня 2022 г.
  5. ^ Вера Сяргеева. Інстытут па пытаньнях ЖКГ можа быць створаны пры НАН Беларусі да канца году // Беларускае тэлеграфнае агенцтва, 3 кастрычніка 2017 г. Праверана 15 сьнежня 2022 г.
  6. ^ Юлія Дылянок. Навукова-дасьледчы цэнтар ЖКГ пры НАН пачне працаваць з 1 студзеня 2018 году // БелТА, 13 сьнежня 2017 г. Праверана 15 cьнежня 2022 г.
  7. ^ Адзіную сыстэму ўліку рэсурсаў ЖКГ распрацоўваюць у Беларусі // БелТА, 3 кастрычніка 2019 г. Праверана 15 cьнежня 2022 г.

Вонкавыя спасылкі рэдагаваць