Ідэя
выява, паняцьце ў думках
Ідэ́я (па-старажытнагрэцку: ἰδέα — від, форма, правобраз) у шырокім сэнсе — уяўны правобраз якога-небудзь прадмета, зьявы, прынцыпу, які вылучае яго асноўныя, галоўныя і істотныя рысы. У шэрагу філязофскіх канцэпцыяў — розумаспасьціжны і вечны правобраз рэальнасьці.
У навуцы і мастацтве ідэяй завецца галоўная думка твору ці агульны прынцып тэорыі ці вынаходзтва, наогул задума ці найбольш істотная частка задумы. У гэтым жа сэнсе тэрмін ідэя тлумачыцца ў сфэры рэгуляваньня аўтарскага права.