Ігнацы Ўрублеўскі

Вікіпэдыя мае артыкулы пра іншых асобаў з прозьвішчам Урублеўскі.

Ігнацы Ўрублеўскі (1858, в. Голні Гарадзенскай губэрні — 1953, Варшава, Польшча) — жывапісец, графік, майстар прыкладнога мастацтва.

Ігнацы Ўрублеўскі
Дата нараджэньня	1858
Месца нараджэньня	Гарадзенская губэрня, Літоўскае генэрал-губэрнатарства, Расейская імпэрыя
Дата сьмерці	1953
Месца сьмерці	Варшава, Польская Народная Рэспубліка
Занятак	маляр
Сябра ў	Association of Polish Artists and Designers[d]
Ігнацы Ўрублеўскі ў Вікісховішчы

Біяграфія

Скончыў Рысавальную школу В. Герсана ў Варшаве. Супрацоўнічаў са шматлікімі часопісамі, куды даваў малюнкі са сваіх вандровак.

У канцы 1880-х-1890-х гг. ім былі выкананы партрэты сваякоў — Ельскіх: Аляксандра (1888), Ксаверыя Паўла (1894), Лявона (1910?). Да іх ліку належыць акварэльны «Партрэт Людвіга Ельскага» — унука роднага брата дзеда Ўрублеўскага. Маляваў для «Памятнай кнігі да 100-годзьдзя Адама Міцкевіча», якая выйшла ў Варшаве. Выканаў альбом рыцінаў сухой іголкай, прысьвечаных Нясьвіскаму замку (1907). Спраектаваў будынак мастацкага музэю ў Менску (1919).

Літаратура

• Дзесяць стагоддзяў мастацтва Беларусі. — Мінск: «Чатыры чвэрці», 2014. — С. 152. — 600 ас.

Вонкавыя спасылкі

Ігнацы Ўрублеўскі — сховішча мультымэдыйных матэрыялаў

• Урублеўскі Ігнат — Арт-Беларусь