Іван Пірожнік

Іван Іванавіч Пірожнік (нар. 1952) — прафэсар, доктар геаграфічных навук, дэкан геаграфічнага факультэта БДУ. Загадчык катэдры эканамічнай геаграфіі замежных краін (з 2002).

Іван Пірожнік
Дата нараджэньня	2 студзеня 1952(1952-01-02) (72 гады)
Месца нараджэньня	Клічаўскі раён, Бабруйская вобласьць, БССР, СССР
Месца вучобы	геаграфічны факультэт БДУ
Занятак	географ
Месца працы	геаграфічны факультэт БДУ
Навуковая ступень	доктар геаграфічных навук[d]
Узнагароды	Ганаровая грамата Нацыянальнага сходу Рэспублікі Беларусь[d] (2001)

Навучаньне

У 1973 г. скончыў геафак БДУ, потым асьпірантуру на катэдры эканамічнай геаграфіі замежных краін.

Навуковая дзейнасьць

У 1976 г. абараніў кандыдацкую дысэртацыю на тэму «Эканоміка-геаграфічныя праблемы фарміраваньня тэрытарыльных рэкрэацыйных сыстэм і рэкрэацыйнага раянаваньня ў буйным эканамічным раёне (на прыкладзе Беларускай ССР)».

У 1993 г. на паседжаньні навуковага савета факультэта біялёгіі і навук пра Зямлю Ягелёнскага ўнівэрсытэта (Кракаў, Польшча) абараніў доктарскую дысэртацыю на тэму «Сацыяльна-геаграфічныя тэндэнцыі разьвіцьця і тэрытарыяльнай арганізацыі турысцкага абслугоўваньня (на прыкладзе СССР у 1976—1990 гг.)».

Навуковае званьне прафэсара прысвоена ў 1997 г. Таксама зьяўляецца прафэсарам Люблянскага і Кракаўскага ўнівэрсытэтаў.