Начніца даўгавухая

Начніца даўгавухая (Myotis bechsteinii) — від рукакрылых сысуноў сямейства вечарнікавых (Vespertilionidae).

Начніца даўгавухая
Клясыфікацыя
Царства	Жывёлы
Тып	Хордавыя
Падтып	Хрыбетныя
Надкляса	Чатырохногія
Кляса	Сысуны
Падкляса	Зьвяры
Інфракляса	Пляцэнтарныя
Атрад	Рукакрылыя
Сямейства	Вечарнікавыя
Род	Начніца (Myotis)
Від	Начніца даўгавухая
Бінамінальная намэнклятура
Myotis bechsteinii (Kuhl, 1817)
Арэал
Начніца даўгавухая на Віківідах  Начніца даўгавухая ў Вікісховішчы ITIS 632002 ·

Вонкавы выгляд

Від сярэдняга памеру і адносна даўгавухі. Даўжыня цела 5 см, размах крылаў 25–30 см, вага 7–14 г. Дарослая асобіна мае доўгую пухнатую шэрсьць. Верх чырванавата-карычневы; ніз шэра-белы. У яго ружаваты твар, а вушы доўгія і шырокія. Крылы цёмна-карычневыя і даволі шырокія, з перапонкай, прымацаванай да падставы ног.

Распаўсюджваньне

Сустракаецца ў Эўропе (ад Партугаліі да Украіны) і паўднёва-заходняй Азіі (Азэрбайджан, Грузія, Турэччына), ад 0 да 1500 м. Гэты від мае спэцыяльныя патрабаваньні да асяроддзя пражываньня і ў значнай ступені залежыць ад натуральных лясоў. Час ад часу сустракаецца ў штучных месцах, такіх як пашы, плянтацыі (асабліва фруктовыя сады) і сельскія сады.

Лад жыцьця

Улетку начуе ў дуплах дрэў, зрэдку ў будынках; скрыні даволі ахвотна прымаюцца. Зімой упадае ў спячку ў падземных месцах пражываньня, а магчыма, і ў дуплах дрэў. У лясах і па ўзлесках корміцца вусякамі.

Вонкавыя спасылкі

• Paunović, M. 2016. Myotis bechsteinii. The IUCN  (анг.)