Moonspell

Moonspell — партугальскі мэтал-гурт, заснаваны ў 1992 годзе. У першыя часы гурт граў фолк/блэк-мэтал, пазьнейшую творчасьць гурта зазвычай акрэсьліваюць як готык-мэтал. Вакаліст і аўтар тэкстаў гурта Фэрнанду Рыбэйру (па-партугальску: Fernando Ribeiro) запрапанаваў выраз «д’ябальская музыка» («devilish music»).

Moonspell
Канцэрт у Кракаве, 2007
Гады	з 1992
Краіна	Партугалія
Месца ўтварэньня	Брандоа, Португалия
Мова	ангельская партугальская
Жанр	блэк-мэтал/фолк-мэтал (да Wolfheart) готык-мэтал
Выдавец	Century Media SPV/Steamhammer
Удзельнікі	Fernando Ribeiro[d] Pedro Paixão[d] Ricardo Amorim[d] Aires Pereira[d]
Узнагароды і прэміі	Prémio Autores[d]
www.moonspell.com

Moonspell упершыню трапілі ў партугальскія чарты з альбомам Sin/Pecado, а іхны альбом Memorial, які выйшаў у 2006 годзе, у першы ж тыдзень атрымаў першае месца. Папярэднічалі Moonspell з мэтал-гуртоў у Партугаліі з падобным посьпехам былі толькі Metallica й Iron Maiden.

Гісторыя гурта

Гурт быў заснаваны ў 1989 годзе пад назвай «Morbid God» раўналежна з праектам «Archangel», які не атрымаў разьвіцьця, (Фэрнанду Рыбэйру — ударныя, Арэс — вакал, астатнія ўдзельнікі неўзабаве пакінулі гурт). Першыя рэпэтыцыі гурта праходзілі ў будынку, які належаў гарадзкому савету іхняга роднага мястэчка Брандоа, а першая запісаная песьня называлася «The Fever». Пазьней да Morbid God далучыўся гітарыст Мантус, і ў гэтым складзе музыкі выпусьцілі адзін дэмазапіс (Serpent Angel, 1992). Пасьля запісу Serpent Angel Moonspell былі запрошаны незалежным лэйблам MTM узяць удзел у зборніку партугальскіх мэталічных гуртоў. У тым жа годзе ўдзельнікі зьмянілі назву на Moonspell. Пасьля выпуску вельмі ўдалага EP «Under the Moonspell» на «Adipocere Records», на якім Moonspell паўсталі блэк-мэтал-гуртом зь вельмі прыкметным фолкавым адценьнем, кар’ера гурта пайшла ўверх. У 1994 годзе Moonspell выступалі на разагрэве ў Cradle of Filth у Лісабоне, а затым падпісалі кантракт з Century Media. На гэтым лэйбле Moonspell выпусьцілі дэбютны альбом Wolfheart (1995). Пасьля выпуску дэбютніка пасьледавала турнэ з Morbid Angel у якасьці «разагравальнага» гурта. У 1995—1996 гадох Moonspell выступалі ў Чэхіі, Польшчы й Нямеччыне. Наступны альбом, Irreligious, прынёс яшчэ большы посьпех, а відэакліп на песьню «Opium», які быў зьняты на старых вуліцах Лісабону, дэманстраваўся па эўрапейскім тэлебачаньні. 12 ліпеня 1996 году Moonspell выступілі ў старадаўнім кляштары Convento do Beato. Тэлеканал VIVA прызнаў у 1996 годзе Moonspell адкрыцьцём году (іншымі намінантамі былі Korn і Marilyn Manson).

У 1997 годзе выходзіць міні-альбом Second Skin, які зьмяшчаў кавэр-вэрсію кампазыцыі Depeche Mode «Sacred». На наступных альбомах — Sin/Pecado й The Butterfly Effect — Moonspell пачалі экспэрымэнтаваць з гучаньнем, дадаўшы элемэнты электроннае музыкі, што было неадназначна ўспрынята многімі прыхільнікамі. У 1998 годзе ўдзельнікі Moonspell (акрамя бубнача Майка Гаспара) стварылі сайд-праект «Daemonarch» і пад гэтай назвай запісалі блэк-мэталічны альбом «Hermeticum».

У 2004 годзе гурт запісаў кавэр-вэрсию джазавае песьні «I’ll See You in My Dreams» для саўндтрэка да аднайменнага партугальскага трылеру. На гэтую песьню быў зьняты відэакліп з фрагмэнтамі фільма.

Пасьля разрыву з Century Media Moonspell падпісалі кантракт на запіс трох альбомаў з SPV/Steamhammer. Першым альбомам стаў Memorial (2006), які быў прыкметна цяжэй за папярэднія работы, але ў першы ж тыдзень узначаліў партугальскі чарт і вывеў Moonspell у лік самых папулярных партугальскіх выканаўцаў усіх кірункаў. На дзьве песьні з альбому — «Finisterra» й «Luna» — былі зьнятыя відэакліпы. У 2007 годзе меркаваўся выпуск DVD Lunar Still/13 Years of Doom, але выхад DVD на Century Media не адбыўся празь юрыдычныя праблемы.

Яшчэ адным буйным посьпехам Moonspell стала перамога ў намінацыі «Найлепшы выканаўца з Партугаліі» на цырымоніі MTV Europe Music Awards, якая адбылася 2 лістапада 2006 году ў Капэнгагене.

29 чэрвеня 2007 году выйшаў зборнік найлепшых песьняў гурта The Great Silver Eye. Увосень таго ж году быў выдадзены альбом Under Satanæ, у які ўвайшлі перавыданьні альбомаў гурта 1992—1994 гадоў.

У траўні 2008 году Moonspell выпусьцілі альбом Night Eternal, аднак яшчэ да афіцыйнае даты рэліза музыкі выклалі альбом на сваёй старонцы ў MySpace. 9 сьнежня адбыўся рэліз DVD Lusitanian Metal (новая назва дыска Lunar Still/13 Years of Doom, які рыхтаваўся ўжо даўно).

19 ліпеня 2010 году ў продаж паступаюць маркі, выпушчаныя Партугальскай паштовай службай (CTT, па-партугальску: Correios de Portugal) у гонар гурта. Дадзеная сэрыя маркаў прысьвечана найбольш значным момантам гісторыі рок-музыкі, а таксама альбомам партугальскіх выканаўцаў. Гурт «Moonspell» быў прадстаўлены альбомам «Wolfheart». Кошт маркі складае адзін эўра. Фэрнанду Рыбэйру наконт гэтага заявіў:

	Мы не маглі й падумаць аб больш прыдатным і выдатным знаку адрозьненьня, які адлюстроўвае наш самы пасьпяховы запіс, які ацанілі як крытыкі, так і прадаўцы музыкі.

27 красавіка 2012 году на Napalm Records выйшаў новы альбом Alpha Noir. У якасьці бонуснага матэрыялу ў «deluxe» і «digipack»-фарматах гурт прадставіў, па сутнасьці, яшчэ адзін паўнафарматны рэліз Ómega White, які быў больш мяккі па гучаньню й нагадваў аб «гатычных каранях» Moonspell. Студыйнай працай над абодвума дыскамі займаўся Цью Мэдсэн, а агульны час гучаньня складае каля 80 мінутаў.

Удзельнікі

Вакаліст Moonspell Фэрнанду Рыбэйру

Цяперашнія ўдзельнікі

• Фэрнанду Рыбэйру (Fernando Ribeiro; Langsuyar) — вакал (з 1989 г.)
• Рыкарду Аморым (Ricardo Amorim; Morning Blade) — гітара (з 1995 г.)
• Мігель Гашпар (Miguel Gaspar; Mike/Nisroth) — ударныя (з 1992 г.)
• Пэдру Пайшан (Pedro Paixão; Passionis/Neophytus) — клявішныя, сэмплы, гітара (з 1994 г.)

Канцэртны музыка

• Айрэш Пэрэйра (Aires Pereira; Ahriman) — бас-гітара

Былыя ўдзельнікі

• Таўрэйра — ударныя (1989—1992 гг.)
• Пэдру К. — гітара (1989—1992 гг.)
• Дуарці П. — гітара (1990—1991, 1992—1995 гг.)
• Мантус — гітара (1989—1995 гг.)
• Жуан Пэдру (João Pedro; Ares/Tetragrammaton) — бас-гітара (1989—1997 гг.)
• Сэржыю Крэстана (Sérgio Crestana) — бас-гітара (1997—2003 гг.)
• Луіш Ламэлаш (Luis Lamelas; Malah) — гітара
• Нікляс Этэлявуоры (Niclas Etelävuori) — бас-гітара (2003 г.)
• Waldemar Sorychta — бас-гітара (2006–2007)

Дыскаграфія

Альбомы

• Wolfheart (1995)
• Irreligious (1996)
• Sin/Pecado (1998)
• The Butterfly Effect (1999)
• Darkness and Hope (2001)
• The Antidote (2003)
• Memorial (2006)
• Night Eternal (2008)
• Alpha Noir (2012) + Ómega White
• Extinct (2015)
• 1755 (2017)
• Hermitage (2021)

Зборнікі

• The Great Silver Eye (2007)
• Under Satanæ (2007)

Дэма

• Serpent Angel (запісанае пад назвай Morbid God; 1992)
• Anno Satanæ (1993)

Сынглы й міні-альбомы

• Wolves From The Fog (EP, 1994)
• Under the Moonspell (EP, 1994)
• «Opium» (сынгл, 1996)
• 2econd Skin (EP, 1997)
• «Butterfly Effect» (сынгл, 1999)
• «Nocturna» (сынгл, 2001)
• «Everything Invaded» (сынгл, 2004)
• «Finisterra» (сынгл, 2006)

DVD

• Lusitanian Metal (2008)

Відэакліпы

• «Opium» (Irreligious)
• «2econd Skin» (Sin/Pecado)
• «Magdalene» (Sin/Pecado)
• «Butterfly effect» (The Butterfly Effect)
• «Nocturna» (Darkness and Hope)
• «Everything Invaded» (The Antidote)
• «I’ll see you in my dreams» (саўндтрэк)
• «Finisterra» (Memorial)
• «Luna» (Memorial)
• «Scorpion Flower» (Night Eternal)
• «Night Eternal» (Night Eternal)
• «Lickanthrope» (Alpha Noir)
• «White Skies» (Ómega White)
• «Extinct» (Extinct)
• «Domina» (Extinct)
• «In Tremor Dei» (1755)
• «Todos os Santos» ( 1755)

Вонкавыя спасылкі

Moonspell — сховішча мультымэдыйных матэрыялаў

• Moonspell official website
• Moonspell on MySpace
• Moonspell на Encyclopaedia Metallum