«Meduza» — зарэгістраванае ў Латвіі з большага расейскамоўнае інтэрнэт-СМІ, створанае былым галоўным рэдактарам «Lenta.ru(uk)» Галінаю Цімчанка(uk), якую звольнілі з пасады з-за адменную пазыцыю выданьня, якое не падтрымала анэксію Крыма Расеяю(be). Сайт «Meduza», ядро рэдакцыі якога сфармавалі экс-супрацоўнікі «Lenta.ru(uk)», аднадумцы Цімчанка, пачаў працу 20 кастрычніка 2014 году. Асноваю СМІ сталі бясплатныя мабільныя дадаткі для «iOS(be)» і «Android»[1]. Назву сайту прыдумаў былы прадусар аддзелу новых мэдыя «Lenta.ru(uk)» Ігар Белкін.

Meduza
Meduza logo.svg
URL https://meduza.io
Камэрцыйны? так
Тып СМІ
Даступныя мовы расейская, ангельская
Уладальнік Medusa Project SIA
Аўтар Галіна Цімчанка(uk)
Пачатак працы 20 красавіка 2014 (7 гадоў таму)
Бягучы стан працуе

КанцэпцыяРэдагаваць

«Meduza» зьяўляецца агрэгатарам навінаў і тэкстаў на расейскай мове, якія адбіраюць у ручным рэжыме, у адрозьненьне ад аўтаматычнага ранжыраваньня «Яндэкс.Навінаў(uk)». Таксама інтэрнэт-выданьне выпускае й уласныя матэрыялы. Суадносіны паміж агрэгаванымі ды ўласнымі матэрыяламі Галіна Цімчанка(uk) тлумачыла наступным чынам: «Мы будзем дзейнічаць гнутка. Чым больш якасных крыніцаў, тым больш агрэгуем. Калі раптам складзецца так, што іншыя СМІ будуць менш пісаць, а стоп-лісты стануць яшчэ даўжэй, мы будзем пашырацца у бок ўласнага кантэнту». Магчымасьць камэнтаваньня артыкулаў на сайце «Meduza» і ў мабільных дадатках не прадугледжаная.

СупрацоўнікіРэдагаваць

  • Галоўны рэдактар — Галіна Цімчанка(uk)
  • Намесьнік галоўнага рэдактара — Іван Калпакоў (былы кіраўнік аддзелу спэцкарэспандэнтаў «Lenta.ru(uk)»)
  • Выдавец — Ільля Красільшчык (былы дырэктар па прадуктах часопісу «Афіша(cv)») ды інш.

Спэцыяльныя карэспандэнтыРэдагаваць

  • Ільля Азараў (былы спэцыяльны карэспандэнт «Lenta.ru(uk)»)
  • Андрэй Казянкоў (былы спэцыяльны карэспандэнт «Lenta.ru(uk)»)
  • Данііл Тураўскі (былы спэцыяльны карэспандэнт «Lenta.ru(uk)»)
  • Ільля Жагулёў ды інш.

ЦіскРэдагаваць

23 красавіка 2021 году Міністэрства юстыцыі Расейскай Фэдэрацыі(pl) ўнесла «Meduza» ў сьпіс замежных агентаў(de), што выклікала рэзкі адток рэкламадаўцаў з сайту, 3/4 месячнай аўдыторыі ў 13 мільёнаў наведвальнікаў якога прыходзілася на Расею. З-за гэтага рэдакцыя была вымушана скараціць заробкі штатным журналістам да 50%, закрыць сядзібы ў Рызе й Маскве, адказацца ад паслуг фрылянсэраў і зьвярнуцца да чытачоў за фінансаваю падтрымкаю. «Рэпартэры бязь межаў» ацанілі ціск на выданьне спробаю абмежаваць свабоду слова ў Расеі(ru) напярэдадні выбараў у Дзяржаўную Думу Фэдэральнага Сходу Расейскай Фэдэрацыі ў верасьні 2021 году[2].

КрыніцыРэдагаваць

  1. ^ Галоўрэд партала Meduza Галіна Цімчанка ў праграме «Гаварыце» з Юліяй Таратутай. Тэлеканал Дождж (2014-10-10).
  2. ^ Russische Online-Zeitung kämpft ums Überleben(ням.). Рэпартэры бязь межаўПраверана 2021-05-06 г. Архіўная копія ад 2021-05-06 г.

Вонкавыя спасылкіРэдагаваць