Conqueror
FV 214 Conqueror (па-беларуску: ФВ 214 Канке́рар) — брытанскі цяжкі паваенны танк. Быў распрацаваны ў процівагу савецкаму цяжкаму танку ІС-3; сваёй 120-мм гарматай[1] пераўзыходзіў 20-фунтавую (83,4 мм) зброю папярэдніка, «Цэнтурыёна». Задачай «Канкерара» было забесьпячэньне супрацьтанкавага прыкрыцьця для «Цэнтурыёну». Выкарыстоўваліся «Канкерары» ў войсках, раскватараваных у Заходняй Нямеччыне; у арміі Вялікабрытаніі «Канкерары» і «Цэнтурыёны» былі замененыя на «Чыфтэйны».
| FV 214 Conqueror | |
|---|---|
.jpg) | |
| Тып танка: | цяжкі танк |
| Краіна-вытворца: | Вялікабрытанія |
| Павозка (экіпаж), чал.: | 4 |
| Гісторыя: | |
| Час эксплюатацыі: | 1955—1966 |
| Гісторыя вытворчасьці: | |
| Час стварэньня: | 1944 |
| Вытворца: | Royal Ordnance Factory, Дэлм’юэр |
| Гады вытворчасьці: | 1955— |
| Усяго выраблена: | 185 |
| Памеры: | |
| Маса, т: | 64 т |
| Даўжыня, мм: | 7,72 м |
| Даўжыня з гарматай, мм: | 12 м |
| Шырыня, м: | 4 м |
| Вышыня, м: | 3,18 м |
| Браня: | |
| Лоб корпусу, мм: | 180 мм |
| Лоб вежы, мм: | 250 мм |
| Узбраеньне: | |
| Марка гарматы і калібр: | L1 120 мм |
| Тып гарматы: | наразная |
| Кулямёт: | 2×7,62 мм |
| Тэхнічныя характэрыстыкі: | |
| Тып рухавіка: | Rolls-Royce Meteor M120 |
| Магутнасьць рухавіка, к.с.: | 810 к. с. (604 кВт) |
| Удзельная магутнасьць, к.с./т: | 12 к. с./т |
| Хуткасьць па шашы, км/г: | 35 км/г |
| Запас ходу, км: | 161 км |
| Тып падвескі: | падвеска Горстмана |
| Выявы ў Вікісховішчы | |
Гісторыя стварэньня
рэдагавацьШасі для «Канкерара» было ўзятае ў танку падтрымкі пяхоты A45, праектаваньне якога пачалося ў 1944 року неўзабаве пасьля сканчэньня A 41 Centurion. Пасьля вайны праект быў скарэктаваны ў бок «унівэрсальнага танку» з сэрыі FV 200. Плянавалася, што 200-я сэрыя мецьме адзіны корпус для ўсіх відаў бранятэхнікі (самаходнай артылерыі, бронетранспартэру, трох відаў танкаў і інш.). Адным з танкам меў быць цяжкі 55-тонны FV 201 з 83,4 мм гарматай.
У 1949 року было вырашана замяніць гармату да 120 мм. Гэта замарудзіла працу над праектам, і ў 1952 на аснове спалучэньня корпусу FV 201 з 17-фунтавай вежай Centurion Mk 2 паўстаў цяжкі танк FV 221 Caernarvon Mark I[2][3]. Яшчэ 21 танк, названы Caernarvon Mk II, быў збудаваны з 20-футавай гарматай Mk III. Плянавалася, што «асноўным баявым танкам» сэрыі стане FV 221, аднак пасьля посьпеху A41 Centurion патрэба ў такой тэхніцы адпала, і Caernarvon далей за выпрабаваньні не пайшоў. У 1955 сышоў з канвэеру першы Conqueror. Былі сабраныя 20 танкаў Mark 1 і 165 Mark 2, у тым ліку пераробленыя з Caernarvon Mk II. Вытворчасьць скончылася ў 1959 року[1]. Пасьля абсталяваньня «Цэнтурыёну» 105-мм гарматай L7 і яны страцілі сваё тактычнае прымяненьне.
Новая гармата большага калібру была амэрыканскае распрацоўкі, такая ж, што на іхнім цяжкім танку М103[4]; пазьней яна будзе выкарыстоўвацца і ў танках Chieftain.
Браня для свайго часу была вельмі вялікая, асабліва лабавая: (178 мм) у гарызантальнай праекцыі[1]. Зь іншага боку, вялікі памер корпусу, патрэбны дзеля трыманьня агромністай вежы зь вялікай гарматай, зрабіў танк вельмі цяжкім, таму ён быў непаваротлівы і ненадзейны. Аднак, як і танк ваеннага часу «Чэрчыль», «Канкерар» меў выдатную прахаджальнасьць на мясцовасьці, ня горшую за лягчэйшы «Цэнтурыён»[5].
Асаблівасьцю танку быў паваротны камандзірскі купал, перадавы для свайго часу. Камандзір мог павярнуць свой купал незалежна ад вежы, вымяраць адлегласьць з дапамогай стэрэаскапічнага дальнамера(en) і накіраваць стралка ў кірунку, пазначаным мэханічным спосабам. Тэарэтычна ў час прыцэльваньня стралка камандзір мог шукаць новую цэль.
Варыянты
рэдагавацьВарыянты «Канкерару» і праекты, якія прывялі да ягонай распрацоўкі:
- FV 214 Канкерар
- Mk I (меў тры пэрыскопы для кіроўцы)
- Mk II (меў лепшае злучэньне пярэдніх бронелістоў, адзін пэрыском для кіроўцы і палепшаную выхлапную сыстэму)
- Mk II/I/H — перабудаваныя «Канавэны»
- FV 215b
- Канструктарскія праекты на шасі «Канкерару» зь вежай абмежаванай паваротлівасьці і 183-мм гарматай. Выраблены драўляны макет[6]
- FV 221 «Канавэн»
- Mk I — прататып
- Mk II — экспэрымэнтальная сэрыя, 21 выпушчаны
- Браняваная эвакуацыйная машына FV 222 «Канкерар» (ARV)
- Mk I — 8 выпушчаныя
- Mk II[7] — 20 выпушчаныя. Маса: 57 тонаў.
Крыніцы
рэдагаваць- ^ а б в Ford, World’s Great Tanks, p. 119
- ^ Huge Tank Developed by British May Be Most Powerful Ever. Popular Mechanics, April 1954, p. 132.
- ^ Evans, McWilliams, Whitworth, Birch. The Rolls Royce Meteor. — Rolls-Royce Heritage Trust, 2004. — С. 112. — ISBN 1-872922-24-4
- ^ Dunstan, Centurion. p. 10
- ^ Griffin, Conqueror, p. 50
- ^ AFV Profile No. 38
- ^ Baxter, Breakdown, p. 77
Літаратура
рэдагаваць- Baxter, Brian S. Breakdown: A History of Recovery Vehicles in the British Army. — HMSO, 1989. — ISBN 0-11-290456-4
- Dunstan, Simon Centurion Universal Tank 1943-2003. — Osprey Publishing (UK), 2003. — ISBN 978-1-84176-387-3
- Ford, Roger The World's Great Tanks from 1916 to the present day. — Brown Packaging Books, 1997. — ISBN 1-897884-29-X
- Griffin, Rob Conqueror. — Crowood Press, 1999. — ISBN 1-86126-251-5