Clann Zú

Clann Zú — аўстралійскі і ірляндзкі музычны гурт, заснаваны ў Мэльбурне ў 1999 годзе.

Clann Zú
Інфармацыя
Гады	1999—2005
Адкуль	Аўстралія
Мова	ангельская, ірляндзкая
Жанр(ы)	інды-рок, фольк-рок
Выдавец	G7 Welcoming Committee
Зьвязаныя праекты	My Disco The Black Hundred
Удзельнікі	Бэнжамін Эндрус Расэл Фоўкус Дэклан дэ Бара Лаям Эндрус Лэх Вудэн
clannzu.com

Біяграфія

Удзельнікі гурта натхняліся электрычнымі сумесямі такіх стыляў, як панк, рок, фольк, электронік і клясыка. Іх апрацоўка кельцкага фольку, электроннай музыкі і року стварыла ўнікальны эпічны гук з моцнай атмасфэрай. Песьні гурта выкананыя на ангельскай і ірляндзкай мовах.

Да свайго распаду, гурт працаваў зь незалежным лэйблам G7 Welcoming Committee Records, заснаваным Крысам Ханам і Жорданам Самалескім з удзельнікаў гуртоў Propagandhi і Regal у 1997 годзе.

Анімаванае відэа на песьню «Five Thousand More», зробленае вакалістам дэ Барам, было прэзэнтаванае на шматлікіх фэстывалях і інтэрнэт-сайтах, у тым ліку на сорак сёмым Cork International Film Festival. У хуткім часе гурт выпусьціў відэа для песьні «Crashing to the Floor» у 2003 годзе.

Другі альбом гурта, Black Coats & Bandages, быў выдадзены ў чэрвені 2004 году. У ім каманда адыйшла ад традыцыйных ірляндзкіх і фолькавых матываў, якія былі характэрны іх першаму альбому Rua. Нягледзячы на гэта, яны працягнулі і нават разьвілі выкарыстаньне ірляндзкай мовы, запісаўшы дзьве песьні цалкам на ірляндзкай.

Clann Zú, анансуючы сканчэньне дзейнасьці гурта, напісаў на сваім сайце ў траўні 2005: «Clann Zú з жалем паведамляе, што ён больш не працягвае свае туры ці запісы. Такое жыцьцё гурта. Бэнжамін і Лаям будуць працягваць тур і запісы з My Disco на лэйбле Crashing Jets, а Дэклан дэ Бара будзе працягваць свой сольны праект».

З таго часу Дэклан дэ Бара выпусьціў два сольныя альбомы: Song of a Thousand Birds у 2005 і A Fire to Scare the Sun у 2008. Расэл Фоўкус нядаўна далучыўся да гурта The Black Hundred з былымі удзельнікамі Oneironaut, Season і The Grand Silent System. The Black Hundred плянуюць выпусьціць свой першы альбом у студзені 2009 году.

Дыскаграфія

• Clann Zú EP (2000, самвыдат)
• Rua LP (2003, G7 Welcoming Committee Records)
• Black Coats & Bandages LP (2004, G7 Welcoming Committee Records)

Удзельнікі

• Бэнжамін Эндрус — гітара
• Расэл Фоўкус — электрычная віяланчэль, клявішы
• Дэклан дэ Бара — сьпеў, бойран
• Лаям Эндрус — бас-гітара
• Лэх Вудэн — апрацоўка гуку

Вонкавыя спасылкі

• G7 Welcoming Committee Records
• The One Bedroom Apartment - фансайт(недаступная спасылка)
• Сайт Дэклана дэ Бары
• Інтэрвію з Дэкланам дэ Барам летам 2004