14-я асобная мэханізаваная брыгада (Украіна)
14-я асобная мэханізаваная брыґада (па-ўкраінску: 14-та окрема механізована бригада) — злучэньне Сухапутных войскаў Узброеных сілаў Украіны. Сфармаванае 1 сьнежня 2014 року з рэшткаў расфармаванае 51-е мэханізаванае брыґады й новых мабілізаваных.[1] Наваствораная частка ўзнагароды і ганаровыя назвы 51-е брыґады не ўспадкавала.[2] Па памеры большая за 51-ю брыґаду, што ў сваю чаргу была самаю шматлікаю ў складзе Сухапутных войскаў Украіны.
| 14-я асобная мэханізаваная брыґада | |
| 14-та окрема механізована бригада | |
 Нашыўка батальёну | |
| Гады існаваньня | з 2014 |
|---|---|
| Краіна |
 Украіна |
| Падпарадкаваньне |
 АК «Захад» |
| Тып |
 Сухапутныя войскі |
| Дысьлякацыя |
Валынская вобласьць, Уладзімер |
| Войны | |
| Дзейны камандзір |
палкоўнік Сяргей Войчанка |
Гісторыя
рэдагавацьПасьля разлютаваных летніх баёў 2014 року на Данбасе, было прынятае рашэньне расфармаваць 51-ю мэханізаваную брыґаду. Брыґада ўдзельнічала ў вызваленьні Лісічанску, Севераданецку, Рубежнага, Мар’інкі, Краснагораўкі, баях на Савур-Магіле ды Дэбальцавым.
У канцы 2014 року пачалося фармаваньне 14-е мэханізаванае брыґады. У яе склад увайшлі 120 афіцэраў расфармаванае 51-е мэханізаванае брыґады, і вайсковаслужбоўцы па кантракту. З 51-е брыґады ў поўным складзе перайшлі рэактыўна-артылерыйскі дывізіён, танкавы батальён, супрацьтанкавая батарэя й рамонтна-аднаўленчы батальён. Танкавы батальён аьрымаў новыя танкі зь Львоўскага БТРЗ.[3]
Камандзір 14-е брыґады — палкоўнік Аляксандар Жакун, які да гэтага камандаваў 13 БТрА. Месца дысьлякацыі брыґады — места Уладзімер.[4]
Да складу 14-е брыґады ўвайшоў 1-ы батальён тэрытарыальнае абароны «Валынь», што быў пераназваны перад тым у 99-ы асобны матапяхотны батальён. Колкасьць батальёну — 450 асобаў з Валынскае вобласьці.[5]
4 ліпеня 2017 року на Луганшчыне адбыліся вайсковыя навучаньні з ужываньнем тэхнікі дыстанцыйнага разьмінаваньня УР-77. Да заняткаў прыцягваліся інжынэрныя падрозьдзелы апэратыўна-тактычнае ґрупоўкі «Луганск», у прыватнасьці 14 АМБр[6].
Спаборніцтва
рэдагавацьЛепшы танкавы зьвяз Узброеных Сілаў Украіны 2016
рэдагавацьУ жніўні 2016 року танкавы зьвяз 14 асобнае мэханізаванае брыґады апэратыўнага камандаваньня «Захад», пад камандаваньнем капітана Рамана Багаева, стаў найлепшым у Сухапутных войсках, а ў верасьні таго ж року — Сухапутных Войскаў УСУ. Пераможцы здолелі абыйсьці супернікаў з чыста «танкавых» 1-е ды 17-е брыґадаў[7][8].
Так, зьвяз капітана Рамана Багаева на сваіх штатных Т-64БВ спачатку перамог у конкурсе на лепшы танкавы зьвяз Сухапутных войскаў Узброеных Сілаў Украіны, абыйдучы у тым ліку экіпажы на БМ «Булат». Ва ўпартай барацьбе першае месца і пераходны прыз — металёвую мадэль танка, заваявалі вайсковаслужбоўцы 14 АМБр апэратыўнага камандаваньня «Захад» з Уладзімер-Валынскага, другое месца — у гаспадароў турніру — 1-е асобнае танкавае брыґады апэратыўнага камандаваньня «Поўнач», а ганаровае трэцяе месца занялі прадстаўнікі 17-е асобнае танкавае брыґады з Крывога Рогу[9].
А ў верасьні 2016 року, напярэдадні Дня танкістаў, танкісты 14 АМБр, занялі першае месца ўжо на міжнародным конкурсе «Лепшы танкавы зьвяз Узброеных Сілаў Украіны»[9].
Цягам тыдня танкісты Сухапутных войскаў, Вайскова-Марскіх Сілаў ды Высокамабільных дэсантных войскаў дэманстравалі майстэрства, дужаючыся ганаровае званьне лепшага танкавага зьвязу Ўзброеных Сілаў Украіны ды перамогу з асобных прафэсійных намінацыяў[9].
Па выніках спаборніцтваў 2 месца — за зьвязам 36 асобнае брыґады марское пяхоты ВМС, а «бронза» — у актывы танкістаў 80 асобнае дэсантна-штурмавое брыґады ВДВ, што выступалі на танках Т-80БВ[9].
Танкавыя спаборніцтвы «Моцная Эўропа» 2017
рэдагаваць.jpg)
Танкісты 14-е мэханізаванае брыґады на мадэрнізаваных Т-64БВ прадстаўлялі Ўкраіну на міжнародных танкавых спаборніцтвах краінаў АПАД — Танкавыя спаборніцтвы «Моцная Эўропа»-2017 (па-ангельску: Strong Europe Tank Challenge), якія былі праведзеныя на паліґоне Графэнфэр (па-нямецку: Grafenwöhr) у Нямеччыне[8][10].
На папярэдніх спаборніцтвах Strong Europe Tank Challenge 2016 перамог падразьдзел зь Нямеччыны на Leopard 2A6, другое месца заняла Данія на Leopard 2А5, трэцяе — падразьдзел з Польшчы, які таксама выступаў на танках Leopard 2А5. Злучаныя Штаты, якія выстаўлялі два зьвязу на танках M1A2 Abrams, у лік прызэраў не ўвайшлі[8].
Танкавыя змаганьні «Моцная Эўропа» 2018
рэдагаваць
19 красавіка 2018 року на Роўненскім паліґоне прайшоў завяршальны этап падрыхтоўкі танкавага падразьдзелу да міжнародных спаборніцтваў Strong Europe Tank Challenge, які складаўся ў прыстрэлцы ўзбраеньня баявых машынаў і канчатковай дапрацоўцы прадстаўнікамі завода вытворцы. У гэтым годзе ўкраінцы выступацьмуць на танках Т-84У «Аплот», якія прайшлі рамонт і мадэрнізацыю на Заводзе імя Малішава[11][12].
Перад тым танкісты ўзялі ўдзел у шматнацыянальных навучаньнях «Combined Resolve X». Разам зь імі ў навучаньнях брацьме удзел рота 79-е асобнае дэсантна-штурмавое брыґады[13].
Па выніках спаборніцтваў ўкраінская каманда заняла апошняе 8 месца, хоць і зь невялікім адставаньнем.[14]
Структура
рэдагаваць- кіраваньне (штаб)
- мэханізаваны батальён
- мэханізаваны батальён
- мэханізаваны батальён
- танкавы батальён
- зэнітны ракетна-артылерыйскі дывізіён
- брыґадная артылерыйская ґрупа:
- батарэя кіраваньня ды артылерыйскае выведкі
- самаходны артылерыйскі дывізіён 2С3М «Акацыя»
- самаходны артылерыйскі дывізіён 2С1 «Гвазьдзік»
- рэактыўны артылерыйскі дывізіён БМ-21 «Град»
- супрацьтанкавы артылерыйскі дывізіён МТ-12 «Рапіра»
- рота снайпэраў
- выведвальная рота
- вузел сувязі
- рота радыёэлектроннае барацьбы
- радыёлякацыйная рота
- ґрупа інженерного забезпечення
- рота РХБ аховы
- батальён матэрыальна-тэхнічнага забесьпячэньня
- рамонтна-аднаўленчы батальён
- мэдычная рота
- камэнданцкі зьвяз
Камандаваньне
рэдагаваць- 2014—2018 — палкоўнік Аляксандар Жакун[1]
- з чэрвеня 2018 — палкоўнік Сяргей Войчанка[15]
Страты
рэдагавацьКрыніцы
рэдагаваць- ^ а б НОВУЮ 14-Ю БРЫҐАДУ ЎЗНАЧАЛІЎ БАЯВЫ АФІЦЭР.
- ^ 51 мэханізаваная брыґада: мінулае, сучаснасьць, будучыня…
- ^ 14 брыґада па колькасьці будзе яшчэ вялікшаю, чым колішняя 51-а(недаступная спасылка)
- ^ http://www.volynnews.com/news/vidsichagresoruukrayinayedina/urochystosti-na-mistsi-dyslokatsiyi-novoyi-14-bryhady-/
- ^ 14-я мэханізаваная брыґада «прыйме» тербатальйон «Валынь»(недаступная спасылка)
- ^ На Луганшчыне адбыліся навучаньні з ужываньнем тэхнікі дыстанцыйнага разьмінаваньня. Міністэрства абароны Ўкраіны. Праверана 4 ліпеня 2017 г.
- ^ Танкісты 14 амбр пераможцы конкурсу на найлепшы танкавы зьвяз Сухапутных вйоскаў
- ^ а б в Танкісты 14 амбр на танках Т-64БВ прадставяць Украіну на Strong Europe Tank Challenge 2017. Ukrainian Military Pages.
- ^ а б в г Больш пра танкі што прадстаўляюць Украіну на Strong Europe Tank Challenge 2017. Ukrainian Military Pages.
- ^ Танкісты ЎС Украіны брацімуць удзел у танкавым біятлёне АПАД. Міністэрства абароны Ўкраіны.
- ^ На Роўненшчыне завяршылася падрыхтоўка танкавага зьвязу да Strong Europe Tank Challenge 2018. Ukrainian Military Pages. Праверана 19 красавіка 2018 г.
- ^ На Strong Europe Tank Challenge 2018 украінскія танкісты пойдуць у новым рыштунке. Ukrainian Military Pages. Праверана 19 красавіка 2018 г.
- ^ Украінскія дэсантнікі й танкісты возьмуць удзел у навучаньнях «Combined Resolve X» // Ukrainian Military Pages
- ^ SETC2018: выніковыя балы ўсіх каманд. Ukrainian Military Pages. Праверана 11 чэрвеня 2018 г.
- ^ У 14 АМБ — новы камандзір. Весьнік+К.
Вонкавыя спасылкі
рэдагаваць- Старонка 14 АМБ у Facebook
- Афіцыйныя страты
- Вайсковыя часткі Сухапутных войскаў па радох войскаў
- Ва Ўладзімер-Валынскім ґарнізоне вялікі рамонт. Народная армія.
- У апэратыўным камандаваньні «Захад» працягваюцца зборы вайскоаслужбоўцаў апэратыўнага рэзэрву першае чаргі. Міністэрства абароны Ўкраіны. Праверана 28 лютага 2018 г.
- 14 мэханізаваная брыґада пераўзбройваецца на новую тэхніку. Украінскі мілітарны партал. Праверана 30 траўня 2018 г.