Янішкеле

Янішкеле (па-летувіску: Joniškėlis) — горад у паўночнай Летуве, знаходзіцца ў Посвальскім раёне Панявескага павету за 17 км ад Посвалю. Колькасьць насельніцтва налічвае каля 1,4 тыс. чалавек. Горад адносіцца да этнаграфічнага рэгіёну Аўкштота.

Янішкеле
лет. Joniškėlis
Герб Янішкеле
Першыя згадкі:	1685
Горад з:	1736
Краіна:	Летува
Павет:	Панявескі
Раён:	Посвальскі
Плошча:	2,36 км²
Вышыня:	85 м н. у. м.
Насельніцтва (2010)
колькасьць:	1383 чал.
шчыльнасьць:	586,02 чал./км²
Часавы пас:	UTC+2
летні час:	UTC+3
Тэлефонны код:	451
Паштовы індэкс:	LT-39305
Геаграфічныя каардынаты:	56°1′30″ пн. ш. 24°10′10″ у. д.
Янішкеле на мапе Летувы Янішкеле
Галерэя здымкаў у Вікісховішчы
https://www.joniskelis.lt/

Гісторыя

У гістарычных крыніцах упершыню Янішкеле ўзгадваюцца з 1685 году. У 1736 годзе Янішкеле атрымалі гарадзкія правы. З XVII стагодзьдзя да Другой сусьветнай вайны горад належаў сям’і Карпаў. Яны стварылі тут буйны архіў, які, аднак, быў разрабаваны падчас Першай сусьветнай вайны. У 1894 годзе ў маёнтку Карпаў працаваў эканомам Габрыель Ландсбергіс-Жэмкалніс, летувіскі драматург і дзед Вітаўтаса Ландсбергіса.

Рэзыдэнцыя Карпаў (18 будынкаў), зьяўляецца найбуйнейшым і найлепей захаваным помнікам архітэктуры XVIII стагодзьдзя ў Летуве. Яна была пабудаваная ў 1763 годзе. Пасьля Другой сусьветнай вайны тут знаходзілася сярэдняя школа, цяпер гэта прыватная ўласнасьць. Пабудовы акружаныя паркам. Да парку прымыкае рака Мажупа, а да рэзыдэнцыі вядзе ліпавая алея.

28 лютага 2005 году Янішкеле атрымалі герб.

Вонкавыя спасылкі

Янішкеле — сховішча мультымэдыйных матэрыялаў