Явар
від расьлінаў
Я́вар, клён ілжэплятанавы (Acer pseudoplatanus) — лістападнае дрэва роду клён сямейства кляновых.
![](http://upload.wikimedia.org/wikipedia/commons/thumb/7/71/Maple_leaves.jpg/250px-Maple_leaves.jpg)
![](http://upload.wikimedia.org/wikipedia/commons/thumb/8/8d/Acer_pseudoplatanus_MHNT.BOT.2004.0.461.jpg/220px-Acer_pseudoplatanus_MHNT.BOT.2004.0.461.jpg)
Дрэвы вышынёй да 40 м. Крона густая, пірамідальна-шарападобная. Лісьце пальчаталопасьцевае, востраканцовае, чараньковае. Кветкі жоўта-зялёныя, духмяныя, у доўгіх паніклых гронках; плод — двухкрылка. Жыве да 100 і больш гадоў.
Радзіма явару — Паўднёвая Эўропа і Малая Азія.
На Беларусі вырошчваюць як дэкаратыўную расьліну ў садах і парках. Мае формы з пурпуровым і бела-стракатым лісьцем. Цьвіце ў чэрвені.
Дыялекты
рэдагавацьУ розных дыялектах беларускай мовы яварам называюць цэлы шэраг іншых дрэваў, у тым ліку асіну, таполю, лістоўніцу.
Літаратура
рэдагаваць- Расьлінны сьвет: Тэматычны слоўнік. Мінск: Беларуская навука, 2001.