Юры Гарбінскі

Ю́ры Гарбі́нскі (7 сакавіка 1963, м. Камаі, Пастаўскі раён) — беларускі літаратуразнавец і гісторык.

Юры Гарбінскі
Дата нараджэньня	7 сакавіка 1963(1963-03-07) (61 год)
Месца нараджэньня	Камаі, Пастаўскі раён, Віцебская вобласьць, БССР, СССР
Месца вучобы	Менскі дзяржаўны пэдагагічны інстытут замежных моваў (1984)
Занятак	літаратуразнаўца, гісторык
Месца працы	Менскі дзяржаўны лінгвістычны ўнівэрсытэт Інстытут славістыкі Польскай Акадэміі навук[d]
Навуковая ступень	доктар гістарычных навук

Жыцьцяпіс

Скончыў Менскі дзяржаўны пэдагагічны інстытут (1984). У 1984—1988 працаваў настаўнікам, у 1991—1993 выкладчык Беларускага пэдагагічнага ўнівэрсытэту. 3 1993 у Інстытуце славістыкі Польскай АН, з 1997 году яго навуковы супрацоўнік. Доктар гуманітарных навук у галіне літаратуразнаўства (Варшава, 1997), доктар габілітаваны гуманітарных навук у галіне гісторыі (Ольштын, 2011).

Навуковая дзейнасьць

Дасьледуе гісторыю польска-беларускіх культурных і літаратурных узаемаадносін і кантактаў (у тым ліку творчасьць пісьменьнікаў польска-беларускага культурнага памежжа ХІХ і ХХ ст.), уплыў Усходу і Захаду на мэнталітэт беларусаў, гісторыю беларускага рэлігійнага руху, у тым ліку і на эміграцыі. Адзін з аўтараў кнігі «Вяртаньня маўклівая споведзь: Творцы беларускай гісторыі ў кантэксьце часу» (1994), аўтар прадмовы і камэнтароў, укладальнік анталёгіі «Беларуская думка XX ст.: Філязофія, рэлігія, культура» (1998), аўтар-укладальнік кнігі «Беларускія рэлігійныя дзеячы XX ст.: Жыцьцярысы, мартыралёгія, успаміны» (1999), аўтар (з Юрыям Туронкам) і навуковы рэдактар жыцьцяпісна-бібліяграфічнага слоўніку «Беларускі хрысьціянскі рух XX ст.» (2003), аўтар манаграфіі "Беларускі рэлігійны друк на Захадзе: пэрыёдыка і графічныя друкі (1945—2005), выдадзенай у Нью-Ёрку (2009).