Юры Бохан
- Вікіпэдыя мае артыкулы пра іншых асобаў з прозьвішчам Бохан (неадназначнасьць).
Ю́ры Мікала́евіч Бо́хан (21 лютага 1966, Менск — 13 красавіка 2017) — беларускі гісторык і археоляг. Доктар гістарычных навук (2003).
ЖыцьцяпісРэдагаваць
Скончыў Менскі пэдагагічны інстытут (1990). З 1990 у Інстытуце гісторыі НАН Беларусі, з 1993 працаваў у аддзеле гісторыі Беларусі XIII—XVIII стагодзьдзяў, з 1997 в.а. загадніка, з 2001 загаднік.
Дасьледаваў пытаньні ўрбаністычнага разьвіцьця Вялікага Княства Літоўскага ў XV—XVIII стагодзьдзях, узбраеньня і арганізацыі войска Вялікага Княства Літоўскага ў XIV—XVI стагодзьдзях, побыту фэўдалаў Вялікага Княства Літоўскага ў XV—XVI стагодзьдзях[1]
У 1991—1992 праводзіў археалягічныя раскопкі ў вёсцы Лоск. Удзельнічаў у раскопках Полацку, Міра, Маладэчна і інш.
Адзін з аўтараў кніг «Археалогія Беларусі» (т. 4, 2001), «Гісторыя Беларусі» (т. 3, 2004).
КрыніцыРэдагаваць
- ^ Бохан Юрый Мікалаевіч // ВКЛ. Энцыкл. — Мн.: 2005 Т. 1. С. 339
ЛітаратураРэдагаваць
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4