Чэрвія

Чэрвія (па-італьянску: Cervia) — горад у Італіі, які месьціцца ў рэгіёне Эмілія-Раманьня. Знаходзіцца ў правінцыі Равэнны. Зважаецца адным з галоўных марскіх курортаў правінцыі, бо места мае пляжную лінію даўжынёю ў 9 км.

Чэрвія
Краіна:	Італія
Плошча:	82,27 км² (9 кастрычніка 2011)
Вышыня:	3 м н. у. м.
Насельніцтва:	▲28 983 чал. (1 студзеня 2023)
Тэлефонны код:	0544
Паштовы індэкс:	48015
Нумарны знак:	RA
Геаграфічныя каардынаты:	44°15′0″ пн. ш. 12°22′0″ у. д.
Чэрвія на мапе Італіі Чэрвія
Галерэя здымкаў у Вікісховішчы
https://www.comunecervia.it/

Гісторыя

Настарэйшым паселішчам чалавека ў рэгіёне зважаецца вёска Манталета. Хутчэй за ўсё, гэта быў лягер пастухоў бронзавага веку, і ён датуецца блізу 3000—1000 гадоў да н. э. Верагодна, саляныя балоты выкарыстоўваліся ў часы эпохі этрускаў. Магчыма, дзеля саляроў, нават сэзонных, тут будаваліся паселішчы. Знаходкі паказваюць на пэўную шчыльнасьць насельніцтва ўжо ў I стагодзьдзі да н. э. Да рымскага часу горад захоўваў назву Фікокл. У Сярэднявеччы горад пашыраўся. У ім зьявіліся ўмацаваныя брамы, палац Прыёраў, сем цэркваў і замак, які, паводле легенды, быў пабудаваны імпэратарам Фрыдрыхам Барбаросам. Назва таксама зьмянілася на Чэрвія. Пасьля доўгага шэрагу падзеяў места трапіла ў склад Папскай дзяржавы. Чэрвія таксама згадваецца ў «Боскай камэдыі» Дантэ.

Вонкавыя спасылкі

• Афіцыйны сайт. (італ.)