Чачэрскі замак

Помнік абарончай архітэктуры
Чачэрскі замак
Краіна	Беларусь
Места	Чачэрск
Дата заснаваньня	XIV ст.

Чачэрскі замак — помнік гісторыі і абарончай архітэктуры ў Чачэрску. Знаходзіўся на беразе ракі Чачоры, на дзядзінцы старажытнага гораду X—XIII стагодзьдзяў. Існаваў у XIV—XVIII стагодзьдзях. Да нашага часу захаваўся замкавы роў, які з паўднёвага ўсходу дугой агінае замчышча, на месцы гістарычнага замкавага моста цяпер месьціцца дамба, якая злучае замчышча зь местам.

Гісторыя

Драўляны замак у Чачэрску збудавалі ў XIV ст. У пачатку вайны Маскоўскай дзяржавы зь Вялікім Княствам Літоўскім (1534—1537) у замку стаяла 150 коньнікаў і 100 салдатаў-драбаў.

За часамі вайны Маскоўскай дзяржавы з Рэччу Паспалітай 1654—1667 гадоў Чачэрск і замак неаднаразова бралі ў аблогу маскоўскія войскі, у выніку чаго фартыфікацыі значна пацярпелі. Па вайне замак аднавілі. Завахаліся апісаньні замка 1682 і 1765 гадоў.

Архітэктура

На 1682 год меў 8 вежаў, у тым ліку вежу-браму і хваёвы двайны астрог. Гэтыя пабудовы атачаў абарончы роў. Паводле попісу 1765 году, існавала Замкавая брама.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2003. — Т. 17: Хвінявічы — Шчытні. — 512 с. — ISBN 985-11-0279-2