Часночніца звычайная

Часночніца звычайная (Pelobates fuscus) — земнаводнае сямейства часночніцаў.

Часночніца звычайная
Клясыфікацыя
Царства	Жывёлы
Тып	Хордавыя
Падтып	Хрыбетныя
Кляса	Земнаводныя
Падкляса	Дугапазванковыя
Атрад	Бясхвостыя
Сямейства	Часночніцы
Род	Часночніцы
Від	Часночніца звычайная
Бінамінальная намэнклятура
Pelobates fuscus
Часночніца звычайная на Віківідах  Часночніца звычайная ў Вікісховішчы ITIS 664730 ·

Апісаньне

Даўжыня цела 4-6 см, маса 6-20 г. Цела авальнае, зьлёгку пляскатае. Морда круглаватая, лоб пукаты. Канечнасьці адносна кароткія. Скура гладкая. Адметнай прыкметай зьяўляецца вэртыкальна пастаўленая шчылінападобная зрэнка і вельмі вялікі лапатападобны цьвёрды жаўтаваты пятачны бугарок. Афарбоўка няяркая, верх сьветла-шэры, іншы раз цёмна-шэры, з жаўтаватым або бурым адценьнем, на гэтым фоне вызначаюцца цёмна-аліўкавыя, цёмна-карычневыя або чорныя з чырвонымі кропкамі плямы рознай формы і велічыні; ніз сьветлы (шаравата-белы) зь невялікай жаўцізной, зь цёмнымі плямкамі, іншы раз і без іх. Шматлікія скурныя залозы выдзяляюць ядавіты сакрэт, які мае пах часнаку (адсюль і назва). Лічынкі (апалонікі) часночніцаў вельмі буйныя: даўжыня разам з хвастом дасягае 10 см і больш.

Літаратура

• Земнаводныя. Паўзуны: Энцыклапедычны даведнік. Мн., БелЭн, 1996. ISBN 985-11-0067-6
• Пікулік М. М. Навошта нам амфібіі? — Мн.: Навука і тэхніка, 1992. ISBN 5-343-00383-4

Вонкавыя спасылкі

• Артыкул на Slounik.org