Уладзімер Чартовіч

Уладзімер Уладзімеравіч Чартовіч (1 лістапада 1948, Менск) — беларускі бізнэсовец, праваслаўны дзеяч. З шляхецкага роду Чартовічаў гербу Побаг.

Уладзімер Уладзімеравіч Чартовіч
Дата нараджэньня 1 лістапада 1948 (75 гадоў)
Месца нараджэньня Сьцяг СССРМенск, БССР, СССР
Грамадзянства Сьцяг БеларусіБеларусь
Адукацыя вышэйшая
Дзеці дзьве дачкі

Скончыў завочна Беларускі інстытут інжынэраў чыгуначнага транспарту й Беларускі дзяржаўны інстытут сельскай гаспадаркі імя Куйбышава, скончыў асьпірантуру пры тым жа інстытуце. Акадэмік Рускай Акадэміі. Працаваў сьлесарам, майстрам, інжынэрам-канструктарам, начальнікам канструктарскага бюро, начальнікам аддзела, дырэктарам лябараторыі, галоўным канструктарам, дырэктарам сумеснага прадпрыемства (СП).

У 1993 арганізаваў ЗАТ «Праваслаўная ініцыятыва», генэральным дырэктарам якога зьяўляецца па цяперашнім часе. Кіраўнік арганізацыі «Міжнароднае праваслаўнае аб’яднаньне „Трыадзіная Русь“», мэтай якой ёсьць:"Вырашэньне нацыянальнага пытаньня, прыход да ўлады праваслаўных славянаў, здольных спыніць і зьвярнуць назад дэструктыўныя працэсы — у гэтым і складаецца мэта і задача нашага аб’яднаньня". У 2000 высоўваў сваю кандыдатуру ў дэпутаты Палаты Прадстаўнікоў Нацыянальнага сходу Рэспублікі Беларусь ад Усходняе № 106 выбарчае акругі.

Выдаў кнігі «Вайна па законах нізасьці», «Прысуд забойцам Расеі», «Ворагі Расеі і Славянскага Сьвету супраць Беларусі і Прэзыдэнта А. Р. Лукашэнкі» і шэрагу іншых. Зьяўляецца аўтарам мноства публіцыстычных прац, прысьвечаных пытаньням рэлігіі, палітыкі і культуры. Ягоныя творы прасякнутыя вялікарасейскім шавінізмам, антыбеларускасьцю, антысэмітызмам, сьцьвярджае, што сапраўдная рэлігія беларусаў — праваслаўе. Апантаны прыхільнік Аляксандра Лукашэнкі (зьмясьціў ягоны партрэт на вокладцы кнігі «Закон Божы»).

Сям'я рэдагаваць

Жанаты, мае двух дочак і чатырох унукаў.

Вонкавыя спасылкі рэдагаваць