Уладзімер Карызна (кампазытар)

беларускі кампазытар

Уладзі́мер Уладзі́меравіч Кары́зна (нар. 30 верасьня 1962, мястэчка Опса Браслаўскага раёну Віцебскай вобласьці БССР) — беларускі кампазытар.

Уладзімер Карызна
Дата нараджэньня 30 верасьня 1962 (60 гадоў)
Месца нараджэньня Опса Браслаўскага раёну Віцебскай вобласьці БССР
Грамадзянства Беларусь
Месца вучобы
Занятак кампазытар
Бацька Уладзімер Карызна
Вікіпэдыя мае артыкулы пра іншых асобаў з прозьвішчам Карызна.

ЖыцьцяпісРэдагаваць

Пасьля школы скончыў музычную вучэльню, служыў у войску.

У 1990 року скончыў Беларускую дзяржаўную кансэрваторыю па спэцыяльнасьці „кампазыцыя“ прафэсара Яўгена Глебава. Сябра Беларускага саюзу кампазытараў (1991).

Працаваў на Беларускім тэлебачаньні (1995—1997), кінастудыі „Беларусьфільм“ (1998—1999). З 2005 року працуе мастацкім кіраўніком творчага аб’яднаньня „Прэм’ера“ Вышэйшага дзяржаўнага коледжу сувязі.

ТворчасьцьРэдагаваць

Працуе ў розных музычных жанрах. Напісаў харавыя цыклі на вершы Максіма Багдановіча і Ўладзімера Карызны-старэйшага, сымфанічныя паэмы, інструмэнтальныя і эстрадныя п’есы, апрацоўкі беларускіх народных песьняў, творы для дзяцей, песьні.

Прэміі і ўзнагародыРэдагаваць

  • Ляўрэат рэспубліканскіх конкурсаў патрыятычнай песьні 1989, 1990 рр.
  • II прэмія і ганаровы прыз Фэдэрацыі прафсаюзаў беларускай на II рэспубліканскім конкурсе вайскова-патрыятычнай песьні 1995 року.
  • Пераможца рэспубліканскага конкурсу песьняў, прысьвечаных гораду Менску (1999)
  • Аўтар песьні-пераможцы на Ўсерасейскім конкурсе салдацкай песьні ў намінацыі „Песьні сучасных аўтараў“ (2002)
  • Уладальнік дыплёму і спэцпрызу „Найлепшая песьня X Рэспубліканскага конкурсу маладых эстрадных выканаўцаў «Белазаўскі акорд»“ (2011)
  • Граматы Міністэрства сувязі й інфарматызацыі Беларусі

Сям’яРэдагаваць

Жанаты, жонка Сьвятлана — піяністка. Старэйшая дачка Настасься — скрыпачка[1], сын Іван — віялянчэліст, [2].

КрыніцыРэдагаваць

  1. ^ Чэмер, Мікола (6 студзеня 2017) На сувязі. Настаўніцкая газэтаПраверана 3 лютага 2021 г.
  2. ^ Надзея Бунцэвіч. Карызна-бэнд // Культура. — 20—27 кастрычніка 2012. — № 42 (1064).

Вонкавыя спасылкіРэдагаваць