Туя
Ту́я (па-лацінску: Thuja) — род вечназялёных іглічных дрэваў і кустоў сямейства кіпарысавых.
![](http://upload.wikimedia.org/wikipedia/commons/thumb/7/72/Thuja_standishii.jpg/250px-Thuja_standishii.jpg)
Вышыня дрэваў 7—11 м (часам да 20 м), дыямэтар да 30 см (у асобных экзэмпляраў да 90 см). Крона вузкапірамідальная. Ігліца на галінках лускападобная з васкавым налётам, накрыж супраціўная. Мужчынскія шышкі дробныя, круглыя, жаночыя — вялікія, яйкападобныя або прадаўгаватыя.
Ценевыносьлівая расьліна. Жыве да 100 гадоў.
Радзіма — Паўночная Амэрыка.
На Беларусі інтрадукавана туя заходняя, ці негніючка і туя складкавая, або гіганцкая. Часьцей вырошчваюць тую заходнюю і яе садовыя формы. Ва ўмовах Беларусі схільная да кушчэньня. Каштоўная парода для азеляненьня населеных пунктаў. Устойлівая да гарадзкіх умоў, выносіць падстрыганьне.
Вонкавыя спасылкі
рэдагавацьТуя — сховішча мультымэдыйных матэрыялаў