Талінскі гарадзкі мур

Гарадзкі мур
Талінскі гарадзкі мур эст. Tallinna linnamüür
Краіна	Эстонія
Месцазнаходжаньне	Талін
Каардынаты	59°26′06″ пн. ш. 24°44′27″ у. д.
Талінскі гарадзкі мур на мапе Эстоніі Талінскі гарадзкі мур
Талінскі гарадзкі мур на Вікісховішчы

Талінскі гарадзкі мур (па-эстонску: Tallinna linnamüür, па-нямецку: Revaler Stadtbefestigung) — гарадзкі мур у цэнтры сталіцы Эстоніі Таліне. Збудаваньне ўлучае ў сябе сярэднявечныя муры й вежы і абкружае Стары горад Таліну. Найлепш захавалася паўночна-заходняя частка муру. Асобнай часткай умацаваньняў зьяўляецца ўзгорак Тоомпэа з замкам.

Гісторыя

Талінскі гарадзкі мур вядомы з 1248 году. Да нашага часу захавалася частка муроў і вежаў, пабудаваных у XIV стагодзьдзі. Будаўніцтва працягвалася і ў XV стагодзьдзі, рэканструкцыя была завершаная ў 1520 годзе. На канец XVI стагодзьдзя на муры налічвалася 26 вежаў, 18 зь якіх захаваліся. Муры былі вышынёй да 8 мэтраў і таўшчынёй 2,85 м. Найвышэйшай вежай была Доўгі Гэрман (45,6 м), самай масіўнай зьяўляецца чатырохпавярховая Тоўстая Маргарыта (дыямэтар — 24 м).

У XIX стагодзьдзі частка муру была зруйнавана расейскімі ўладамі. У 1969—1970 гадох былі праведзены рэстаўрацыйныя работы.

Галерэя

• 
  Паўночна-заходняя частка муру
• 
  Гарадзкі мур і Царква Сьвятога Олафа ў 1943 годзе
• 
  Вежа Нунна («Манашка»)
• 
  Брама Клёастры
• 
  Вежа Лёвэншэдэ

Літаратура

• Белоруссия Литва Латвия Эстония. Справочник-путеводитель. М.: Искусство, 1986 ISBN 5-210-00094-X (рас.)
• Sulev Mäeväli Tallinner historische Bauten und Kunstwerke. — Tallinn: Periodika, 1990. ISNB 5-7979-0202-8 (ням.)

Вонкавыя спасылкі

Талінскі гарадзкі мур — сховішча мультымэдыйных матэрыялаў