Талерка

Тале́рка — посуд, зь якога ўжываюць першую ды другую стравы, з трэціх страваў толькі дэсэрты. Пераважна талерка круглай формы. Талеркі таксама бываюць для хараства. Такія талеркі завуцца дэкаратыўныя талеркі.

Мэталёвая талерка

Дэкаратыўныя турэцкія сподачкі

Матэрыял

Матэрыялы талеркі бываюць розныя. Матэрыял часта грае вялікую ролю ў прызначэньні талеркі.

• керамічныя
• гліняныя;
• шкляныя;
• парцалянавыя;
• драўляныя;
• мэталёвыя.

Таксама талеркі бываюць для аднаразовага прызначэньня:

• плястыкавыя;
• папяровыя.

Прызначэньне

Талеркі маюць розную глыбіню. Глыбіня талеркі залежыць ад яе прызначэньня. Талеркі вялікай глыбіні пераважна прызначаныя для першай стравы, радзей трэцяй стравы. Талеркі малой глыбіні — для другой ды трэцяй стравы.

Талеркі малога памеру ды малой глыбіні часта выкарыстоўваюцца як ніжняя частка кубачка, каб налітае ў кубачак у асобных выпадках вылівалася на талерку. Такія талеркі завуць сподачкамі.