Тадзіяна Кляшторная
Тадзіяна Тодараўна Кляшторная (5 студзеня 1932, Менск — 2 сакавіка 2011) — беларуская дзіцячая пісьменьніца, старэйшая дачка Тодара Кляшторнага.
| Тадзіяна Кляшторная | |
| Асабістыя зьвесткі | |
|---|---|
| Нарадзілася | 5 студзеня 1932 Менск |
| Памерла | 2 сакавіка 2011 |
| Бацькі | Тодар Кляшторны Яніна Германовіч |
| Літаратурная дзейнасьць | |
| Род дзейнасьці | дзіцячая паэтка |
Біяграфія
рэдагаваць
Нарадзілася ў 5 студзеня 1932 году ў Менску. Хросным бацькам Тадзіяны быў сябра сям’і беларускі паэт Максім Лужанін[1].
30 кастрычніка 1937 году падчас «чорнай ночы» быў растраляны бацька. Пасьля арышту сваёй маці 28 лістапада 1937 году апекавалася некоторы час у бацькавай сястры Александрыны, затым у адным зь дзіцячых дамоў Мардовіі. Пасьля вайны скончыла Лепельскую пэдагагічную вучэльню. Пэўны час настаўнічала на Браслаўшчыне, дапамагала гадавацца малодшым сёстрам[2].
Мела траіх дзяцей — двух сыноў і дачку. Пасьля сьмерці мужа апошнім месцам працы быў дзіцячы садок[2].
Разам зь сястрой Маяй Кляшторнай прыкладала намаганьні па ўшанаваньні і папулярызацыі творчасьці свайго бацькі. У 2003 годзе Тадзіяна і Мая Кляшторныя адкрылі на радзіме бацькі — в. Камень на Лепельшчыне — музэй[3]. У 2008 годзе Тадзіяна прысутнічала на адкрыцьці вуліцы імя Тодара Кляшторнага ў вёсцы Камень[4].
Творчасьць
рэдагавацьУпершыню надрукавалася ў 1971 годзе ў лепельскай раённай газэце. Аўтарка кніг вершаў для дзяцей «Паўцякалі цацкі» (Менск: Юнацтва, 1982) і «Пахі вясны» (Менск: Юнацтва, 1991), укладальніца зборніка вершаў «Песьні любай ліры» гуртка «Паэтычная сьцяжынка» (Віцебск, 2001).
Некаторы час вяла дзіцячы літаратурны гурток пры гарадзкой бібліятэцы ў Віцебску.
Крыніцы
рэдагаваць- ^ Тадзіяна Кляшторная
- ^ а б Анатоль Вярцінскі (25 сакавіка 2011) Спачыла Тадзіяна Кляшторная. Новы час. Праверана 15 студзеня 2012 г.
- ^ Прайшлі літаратурныя чытаньні, прысьвечаныя 100-годзьдзю паэта Тодара Кляшторнага
- ^ Чытанні ў гонар Тодара Кляшторнага Праверана 15 студзеня 2012 г.
Вонкавыя спасылкі
рэдагаваць- Тадзіяна Кляшторная на Vershy.ru
- Тадзіяна Кляшторная на Vyaselka.ru
- Артыкулы
- Кляшторная, Т. Белыя Курапаты / Т. Кляшторная // Лепельскі край. — 2003. — 11 сак. — С. 2.
- Кляшторная, Т. Вяртанне / Т. Кляшторная // Віцебскі рабочы. — 1997. — 11 сак. — С. 4.
- Кляшторная, Т. Паездка ў Парэчча / Т. Кляшторная // Лепельскі край. — 2005. — 3 мая. — С. 3.