Сяржук Трухановіч

Сяржу́к Трухано́віч (нарадзіўся 16 лютага 1971 году) — беларускі гітарыст, удзельнік гуртоў «Крама» і «Палац».

Сяржук Трухановіч
Падчас выступу «Крамы» ў «Графіці», 2009 год
Дата нараджэньня	16 лютага 1971 (53 гады)
Месца нараджэньня	Менск
Грамадзянства	Беларусь
Месца вучобы	Беларускі дзяржаўны ўнівэрсытэт культуры і мастацтваў
Занятак	музыка, сьпявак
Гады дзейнасьці	1980-я — цяпер
Жанры	рок, блюз
Інструмэнты	гітара
Гурты	«Рокіс», «Крама», «Палац»

Біяграфія

Нарадзіўся 16 лютага 1971 году ў Менску. Цікавіцца музыкай і ствараць першыя п’есы ды песьні пачаў ва ўзросьце 10 гадоў. Скончыў ДПТВ-148 па спэцыяльнасьці чырвонадрэўшчык у 1989 годзе. Падчас навучаньня пачаў займацца гітарай. У 2003 годзе скончыў БДУК як артыст эстрады і выкладчык па клясе гітары Ўладзімера Вугольніка. Выступаў у складзе розных самадзейных калектываў і ВІА. У сярэдзіне 80-х сабраў сваю першую групу «Азарт», потым граў у складзе гард-рокавай групы «Каменный дождь» (пазьней — «Рокіс»). У 1991 годзе ўвайшоў у групу «Крама», у сярэдзіне 90-х заснаваў уласны праект — групу «Sam Gray», якая выконвала музыку ў стылі кантры-року і была адзначана першай прэміяй конкурсу альтэрнатыўнай музыкі «Саступі дарогу!» Фонду Сораса-Беларусь (1996). Пасьля гэтага непрацяглы час выступаў як гітарыст ансамбля «Сябры», браў удзел у маскоўскім праекце «А. Олейников и друзья». Ад 2002 году сумяшчае выступленьні ў складзе «Крамы» і «Палацу».

Дыскаграфія

З «Крамай»

• «Хворы на Rock-n-Roll» (1993)
• «Vodka on Ice» (1993)
• «Гэй там налівай!» (1994)
• «Камэндант» (1996)
• «Што дапаможа нам» (1998)
• «Хавайся ў бульбу» (2001)
• «Усё жыцьцё — дзіўны сон» (2007)

З «Палацам»

• «Чужыя дзеўкі» (2001)

Сольныя альбомы

• «Кропка незвароту» (1999)
• «Нараджэньне таямніцы» (2003)
• «Шлях да мора» (2012)

Вонкавыя спасылкі

• Біяграфія