Сяргей Далідовіч

беларускі лыжнік

Сярге́й Мікала́евіч Далідо́віч (нарадзіўся 18 траўня 1973 году, Ворша, БССР) — беларускі лыжнік, пераможца этапу Кубку сьвету, удзельнік 7 Алімпійскіх гульняў.

Сяргей Далідовіч
Пэрсанальная інфармацыя
Поўнае імяСяргей Мікалаевіч Далідовіч
Нарадзіўся18 траўня 1973 (47 гадоў)
Ворша, БССР
ГрамадзянстваБеларусь
Рост175 см
Вага68 кг
Прафэсійная інфармацыя
Спэцыялізацыялыжныя гонкі

БіяграфіяРэдагаваць

У Кубку сьвету Далідовіч дэбютаваў у 1993 годзе, у сакавіку 2001 году атрымаў сваю першую, і адзіную, перамогу на этапе Кубку сьвету. Акрамя перамогі на сёньняшні момант мае 1 бронзавы мэдаль Кубку сьвету. Найлепшым дасягненьнем Далідовіча ў агульным заліку Кубку сьвету зьяўляецца 31-е месца ў сэзоне 2000—2001.

На Алімпіядзе-1994 у Лілегамэры быў 37-м у гонцы на 30 км вольным ходам, 70-м у гонцы на 10 км клясыкай, 51-м у гонцы перасьледу й 12-м у эстафэце.

На Алімпіядзе-1998 у Нагана заняў 36-е месца ў гонцы на 30 км клясыкай, 31-е месца ў гонцы на 50 км каньком і 14-м у эстафэце, акрамя таго стартаваў у гонцы на 10 км, але не дабраўся да фінішу.

На Алімпіядзе-2002 у Солт-Лэйк-Сіці стартаваў у трох гонках: мас-старт 30 км — 14-е месца, перасьлед 10+10 км — не фінішаваў, эстафэта — 15-е месца.

На Алімпіядзе-2006 у Турыне заняў 12-е месца ў мас-старце на 50 км.

На Алімпіядзе-2010 у Ванкувэры, стартаваў у чатырох гонках: 15 км вольным стылем — 35-е месца, дуатлён 15+15 км — не фінішаваў, камандны спрынт — не фінішаваў, мас-старт 50 км — 25-е месца.

На Алімпіядзе-2014 у Сочы фінішаваў пятым у мас-старце на 50 км.

За сваю кар’еру браў удзел у 9 чэмпіянатах сьвету, найлепшы вынік — 4-е месца ў дуатлёне на 30 км на чэмпіянаце сьвету 2011 гады ў Гольмэнколене. На гэтым чэмпіянаце Сяргей Далідовіч у мас-старце на 50 км упэўнена ішоў у групе лідэраў і фактычна прэтэндаваў на прызавое месца, але за некалькі сот мэтраў да фінішу зваліўся і зламаў палку, у выніку чаго фінішаваў толькі 10-м.

У 2014 годзе ўзнагароджаны Ордэнам Пашаны[1].

Уключаны ў беларускую зборную на Зімовых Алімпійскіх гульнях 2018 году.

КрыніцыРэдагаваць

Вонкавыя спасылкіРэдагаваць