Сюзаннэ Схюльтынг

	Сюзаннэ Схюльтынг
Пэрсанальная інфармацыя
Нарадзілася	25 верасьня 1997 (27 гадоў); Гронінген, Нідэрлянды;
Грамадзянства	Каралеўства Нідэрляндаў;
Прафэсійная інфармацыя
Спэцыялізацыя	шорт-трэкіст, канькабежац
	Узнагароды і мэдалі Глёб дэ крысталь[d] (2023)

Сюзаннэ Схюльтынг (па-нідэрляндзку: Suzanne Schulting; нар. 25 верасьня 1997 году) — нідэрляндзкая шорт-трэкістка. На зімовых Алімпійскіх гульнях 2018 году яна здабыла першы ў гісторыі Нідэрляндаў залаты мэдаль у шорт-трэку і стала адной з наймаладзейшых нідэрляндзкіх алімпійскіх чэмпіёнак^[2].

Кар’ера

Схюльтынг пачала займацца шорт-трэкам у веку васьмі гадоў у Гээрэнвээне. На юніёрскім узроўні здабыла залаты мэдаль у бегу на 1500 мэтраў на чэмпіянаце сьвету сярод юніёраў 2016 году ў Сафіі^[2].

Схюльтынг на трэнаваньні ў 2022 годзе.

На зімовых Алімпійскіх гульнях 2018 году заваявала бронзавы мэдаль у эстафэце на 3000 мэтраў і залаты мэдаль на 1000 мэтраў, стаўшы першай нідэрляндкай, якая здабыла залаты мэдаль у шорт-трэку. У веку 20 гадоў яна стала другой наймаладзейшай нідэрляндзкай залатой прызэркай Алімпійскіх гульняў у любой дысцыпліне на зімовых Алімпійскіх гульнях^[3]. У сьнежні 2018 году была прызнаная спартоўкай году ў Нідэрляндах^[4].

У сэзоне 2018—2019 гадоў Схюльтынг была першай у агульным заліку як на чэмпіянаце Эўропы 2019 году, гэтак і на чэмпіянаце сьвету 2019 году. У наступным сэзоне спартоўка пасьпяхова абараніла свой тытул чэмпіёнкі Эўропы 2020 году, а чэмпіянат сьвету, які ладзіўся ў Сэуле, быў адменены праз пандэмію каранавірусу. Схюльтынг зноў стала чэмпіёнкай у агульным заліку пасьля перамогаў у кожнай гонцы, у якой яна брала ўдзел як на чэмпіянаце Эўропы 2021 году, гэтак і на чэмпіянаце сьвету 2021 году, не зважаючы на сьціплае прадстаўніцтва на гэтых спаборніцтвах праз байкот з розных чыньнікаў, у тым ліку праз пандэмію каранавірусу^[5].

На турніру шорт-трэку на зімовых Алімпійскіх гульнях у Пэкіне ў лютым 2022 году, яна ўзяла залаты мэдаль на дыстанцыі 1000 мэтраў, а таксама ў эстафэце на 3000 мэтраў, усталяваўшы новы сусьветны і алімпійскі рэкорд на 1000 мэтраў падчас чвэрцьфіналу. Яна таксама заваявала срэбраны мэдаль у забегу на 500 метраў, усталяваўшы новы алімпійскі рэкорд, і ўзяла бронзу ў забегу на 1500 мэтраў. Чэмпіянат сьвету 2022 году Схюльтынг прапусьціла праз станоўчы тэст на каранавірус. У студзені 2023 году на чэмпіянаце Эўропы ў Гданьску стала ўладальніцай 4-х залатых мэдалёў і адной срэбранага. У сакавіку на чэмпіянаце сьвету ў Сэуле здабыла залатыя мэдалі ў забегу на 1500 мэтрраў, у абедзьвюх эстафэтах і срэбраную ў забегу на 500 мэтраў.

Пасьля адзінаццаці месяцаў адпачынку Схюльтынг вярнулася ў спорт на Кубак сьвету ў Дрэздэне і Гданьску. У сакавіку на чэмпіянаце сьвету ў Ратэрдаме заняла чацьвертае месца ў забегу на 1000 мэтраў, дзе зламала шчыкалатку, сутыкнуўшыся з бэльгійкай Ганнэ Дэсмэт, пасьля чаго трапіла ў шпіталь^[6].

Крыніцы

^ ^а ^б ^в ^г Olympedia (анг.) — 2006.
^ ^а ^б «Suzanne Schulting». Pyeongchang 2018.
^ «Medal Ceremony: Dutch finally get short track gold». NBC Olympics.
^ «Skaters Schulting, Nuis named Dutch Sportswoman, Sportsman of Year 2018». China Daily.
^ «Superieure Schulting wint alle afstanden en prolongeert allroundtitel op WK». NOS.
^ «Schulting schaatste na val met gebroken enkel: 'Arts verklaarde me voor gek'». NU.

Вонкавыя спасылкі

Старонка на SpeedSkatingStats.com.

[_1416a0aeb7a1855d-1] а ^б ^в ^г Olympedia (анг.) — 2006.

[pyeongchang-2] а ^б «Suzanne Schulting». Pyeongchang 2018.

[3] «Medal Ceremony: Dutch finally get short track gold». NBC Olympics.

[4] «Skaters Schulting, Nuis named Dutch Sportswoman, Sportsman of Year 2018». China Daily.

[5] «Superieure Schulting wint alle afstanden en prolongeert allroundtitel op WK». NOS.

[6] «Schulting schaatste na val met gebroken enkel: 'Arts verklaarde me voor gek'». NU.

[2]

[1]

[3]

[4]

[5]

[6]