Сымон Енцш

Сымон Енцш (па-нямецку: Simon Jentzsch; нар. 4 траўня 1976 году, Дусэльдорф, Нямеччына) — былы нямецкі футбаліст, апошнім клюбам якога быў «Аўгсбург». Выступаў на пазыцыі брамніка.

Сымон Енцш
Пэрсанальная інфармацыя
Нарадзіўся	4 траўня 1976 (48 гадоў) Дусэльдорф, Нямеччына
Рост	196 см
Вага	95 кг
Пазыцыя	брамнік
Клюбы
Гады	Клюб	Гульні (галы)¹
1994—1995 1995—2000 2000—2003 2003—2009 2009—2013	Баер Юрдынген Карльсруэ Мюнхэн-1860 Вольфсбург Аўгсбург	0 (0) 69 (0) 93 (0) 142 (0) 98 (0)
Зборныя
1999—2005	Нямеччына-Б	9 (0)

Кар’ера

Клюбная

Нарадзіўся ў Дусэльдорфу. Футбольную кар’еру пачаў у клюбе «Юрдынген», які потым быў названы «Баерам», у ліпені 1995 году гулец перайшоў у склад клюбу «Карльсруэ». Дэбютаваў у камандзе ў сэзоне 1998—1999 гадоў, калі клюб гуляў у Другой Бундэсьлізе.

У ліпені 2000 году Енцш перайшоў у склад «Мюнхэну-1860», дапамогшы баварцам тройчы пасьлядоўна заняць месца ў сярэдзіне табліцы, пасьля чаго падпісаў кантракт з клюбам «Вольфсбург», дзе стаў галоўным брамнікам. У сэзоне 2007—2008 гадоў страціў сваю пазыцыю на карысьць швайцарскага брамніка Дыега Бэнальлё, аднак усё ж зьявіўся ў 15 матчах клюбу.

31 сакавіка 2009 году кантракт Енцша з «Вольфсбургам» быў спынены, а 9 чэрвеня ён падпісаў гадавы кантракт з клюбам «Аўгсбург», які потым быў падоўжаны.

Міжнародная

Гуляў за моладзевыя каманды зборнай, пасьля чаго аднойчы атрымаў выклік у нацыянальную каманду, але за яе гэтак і не дэбютаваў. Правёў 9 гульняў за рэзэрвовую зборную Нямеччыны.

Вонкавыя спасылкі

• Профіль на афіцыйным сайце «Аўгсбургу»
• Профіль на сайце fussballdaten
• Профіль на сайце weltfussball