Стэрлітамак

Стэрлітамак (па-расейску: Стерлитамак, па-башкірску: Стәрлетамак) — горад (з 1781 году) у Расеі, адміністрацыйны цэнтар Стэрлітамацкага раёну Башкартастану. Насельніцтва на 2016 год — 279 692 чалавекі. Заснаваны ў 1735 годзе.

Стэрлітамак
рас. Стерлитамак
Герб Стэрлітамаку Сьцяг Стэрлітамаку
Першыя згадкі:	1735
Горад з:	1781
Краіна:	Расея
Суб’ект фэдэрацыі:	Башкартастан
Плошча:	108,52 км²
Унутраны падзел:	16 мікрараёнаў
Насельніцтва (2016)
колькасьць:	279 692 чал.
шчыльнасьць:	2577,33 чал./км²
Часавы пас:	UTC+5
Тэлефонны код:	3473
Паштовы індэкс:	453100
Нумарны знак:	02, 102
Геаграфічныя каардынаты:	53°38′ пн. ш. 55°57′ у. д.
Стэрлітамак на мапе Расеі Стэрлітамак
Галерэя здымкаў у Вікісховішчы
Афіцыйны сайт(рас.)

Горад знаходзіцца на левым беразе ракі Белай (прыток Камы), за 130 км ад Уфы.

Буйны цэнтар хімічнай прамысловасьці і машынабудаваньня. Эканамічны патэнцыял гораду шмат у чым вызначаюць буйныя хімічныя і нафтахімічныя прадпрыемствы, такія як акцыянэрныя таварыства «Сода», «Каўстык», «Сынтэз-Каўчук», «Нафтахімічны завод». Менавіта гэтыя чатыры градаўтваральныя гіганты замацавалі за Стэрлітамакам званьне «гораду вялікай хіміі». Машынабудаўнічая і станкабудаўнічая галіны вытворчасьці ў горадзе прадстаўленыя буйнымі акцыянэрнымі таварыствамі: «Стэрлітамаскі станкабудаўнічы завод», «Чырвоны пралетарый», «Вагонарамонтны завод», «Завод Будмаш», Канцэрн «Інмаш». Акрамя таго, у горадзе працуюць магутныя прадпрыемствы будіндустрыі і будматэрыялаў.

Асобы

• Ігар Палівода, беларускі кампазытар, піяніст

Глядзіце таксама

• Беларуская вуліца

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 ас. — ISBN 985-11-0251-2 (Т. 15)