Мікалай Кірэеў

Мікалай Уладзімеравіч Кірэеў (6 студзеня 1942, в. Сушчэўская Слабада Чавускага раёну Магілёўскай вобласьці) — беларускі мастак-партрэтыст і выкладчык, заслужаны дзяяч культуры Беларусі (1992). Прафэсар (2008). Сябра Беларускага саюзу мастакоў ад 1970 году. У 1962 годзе скончыў мастацка-графічны факультэт Віцебскага пэдагагічнага інстытуту (цяпер Віцебскі дзяржаўны ўнівэрсытэт імя П. М. Машэрава). Ад 1988 працаваў дацэнтам Беларускага нацыянальнага тэхнічнага ўнівэрсытэту. Загадчык катэдры «Малюнак, жывапіс і скульптура» БНТУ.

Мікалай Кірэеў
Дата нараджэньня	6 студзеня 1942
Месца нараджэньня	в. Сушчэўская Слабада Чавускага раёну Магілёўскай вобласьці
Адукацыя	Віцебскі пэдагагічны інстытут (цяпер Віцебскі дзяржаўны ўнівэрсытэт імя П. М. Машэрава)
Месца вучобы	Мастацка-графічны факультэт ВДУ[d] (1962)
Занятак	жывапіс
Месца працы	Беларуская дзяржаўная акадэмія мастацтваў Беларускі нацыянальны тэхнічны ўнівэрсытэт
Жанры	пэйзаж і партрэт
Плынь	рэалізм
Мікалай Кірэеў у Вікісховішчы

Творчасьць

Працуе ў жанры партрэта, пэйзажа, сюжэтна-тэматычнай карціны. Яго працы захоўваюцца ў Нацыянальным мастацкім музэі РБ, Музэі сучаснага выяўленчага мастацтва (Менск), у галерэях і прыватных калекцыях Эўропы.

Публікацыі

• Кірэеў, М. У. Кампазіцыя ў жывапісе: вучэбны дапаможнік для студэнтаў вышэйшых навучальных устаноў па спецыяльнасці «Жывапіс» / М. Кірэеў; Беларуская дзяржаўная акадэмія мастацтваў. — Мінск: БДАМ, 2008. — 220 с — 35 экз.
• Філасофія і практыка нацюрморта / М. У. Кірэеў // Мастацкая адукацыя і культура. — 2006. — № 1. — С. 49—53.

Літаратура

• Кірэеў Мікалай Уладзіміравіч / Г. А. Фатыхава // БЭ. — Мн.: 1999 Т. 8. С. 289—290.
• Кірэеў Мікалай Уладзіміравіч // Беларускі саюз мастакоў, 1938—1998 : энцыклапедычны даведнік. — Мінск, 1998. — С. 260.
• Кірэеў Мікалай Уладзіміравіч // Энцыклапедыя літаратуры і мастацтва Беларусі. У 5 т. / Рэд. І. П. Шамякін (гал. рэд.) і інш.. — Мн.: БелСЭ, 1986. — Т. 3: Карчма — Найгрыш. — С. 58.