Водападзел

Водападзел — граніца паміж басэйнамі рэк, азёраў, мораў, акіянаў. У горных краінах водападзелы звычайна супадаюць з грабянямі хрыбтоў; на раўнінах, асабліва плоскіх і забалочаных, выражаны няясна.

Галоўныя рачныя басэйны і водападзелы Эўропы.

Галоўны водападзел рачных басэйнаў Беларусі адзьдзяляе басейны рэк Дняпра, з аднаго боку, і Заходняй Дзьвіны, Нёмна, Буга, з другога, і праходзіць па найбольш узвышанай частцы тэрыторыі з ПнУ на ПдЗ — па Аршанскім і Менскім узвышшах, цераз Капыльскую граду і па паўднёва-заходняй ускраіне Палесься.