Жудзец

'Жудзе́ц (па-румынску: judeţ [ʒuˈdet͡s] — павет) — традыцыйная адміністрацыйна-тэрытарыяльная адзінка Румыніі, якая выкарыстоўваецца да цяперашняга часу, а таксама ў Малдове ў 1993—2003 гадах, дзе на зьмену жудзецам зноў вярнуліся раёны, што выкарыстоўваліся ў Малдаўскай ССР.

Гісторыя

Назва жудзец (у літаральным сэнсе вобласьць, якая знаходзіцца ў падпарадкаваньні судзьдзі) — вытворнае ад румынскага слова «жудэ» (лацінка: «jude», літаральна «судзьдзя»), якое ў сваю чаргу ўтворана ад лацінскага «iūdex» з такім самым значэньнем. Жу́ды, якія выконвалі адміністрацыйныя і судовыя функцыі, кіравалі жудзецамі ў сярэднявечнай Валахіі. У Малдаўскім княстве слова «жудэ» (менавіта на кірыліцы) упершыню фіксуецца ў 1409 годзе. У Мунэтыі слова выкарыстоўвалася для абазначэньня свабодных сялян. У сучаснай Малдове жудзецы як назва выкарыстоўваліся пасьля атрыманьня незалежнасьці, аднак пасьля адыходу ад палітыкі ўзьяднаньня з Румыніяй, былі зноў заменены на аналягічныя раёны.

Глядзі таксама

• Жудзецы Румыніі
• Адміністрацыйна-тэрытарыяльны падзел Малдовы

Вонкавыя спасылкі

• http://dexonline.ro/search.php?cuv=jude
•  Herb, Guntram Henrik Nested Identities: Nationalism, Territory, and Scale. — Rowman & Littlefield, 1999. — P. 275. — ISBN 0-8476-8467-9