Сельскагаспадарчыя жывёлы

Сельскагаспада́рчыя жывёлы — хатнія жывёлы, якія гадуюцца чалавекам для атрыманьня прадуктаў харчаваньня, то бок мяса, малака, тлушчу, яек, сыравіны вытворчасьці, як то поўсьць, шчаціньне, скура, косткі, пух, пер’е, а таксама выконваюць транспартныя й працоўныя функцыі.

Авечкі й карова, якія пасьвяцца на лугах Паўднёвай Афрыкі

У панятак «сельскагаспадарчыя» ўваходзяць розныя пароды птушак, зьвяроў, жывёлаў, рыбаў і вусякоў, якія зьмяшчаюцца ў спэцыялізаваных нежылых памяшканьнях, як то стойла, загон, хлеў, стайня, сьвінарнік, кароўнік, клетка, вальер, фэрма, гадавальнік, затока, сажалка, птушнік, пчальнік і г. д., толькі з мэтай атрыманьня прадуктаў жыцьцядзейнасьці жывёлаў.

Глядзіце таксама

• Генэтыка
• Сельская гаспадарка
• Прыручэньне
• Жывёлагадоўля

Вонкавыя спасылкі

Сельскагаспадарчыя жывёлы — сховішча мультымэдыйных матэрыялаў

• Пра скаціну ў Аўстраліі  (анг.)