Рэал Сарагоса

«Рэал Сарагоса» (па-гішпанску: Real Zaragoza) ― гішпанскі футбольны клюб з аднайменнага гораду, прадстаўляе правінцыю Арагон. Быў заснаваны 18 сакавіка 1932 году шляхам аб’яднаньня двух клюбаў Iberia SC і Real Zaragoza CD. У 1930-х гадох клюб прагрэсаваў, але грамадзянская вайна перашкодзіла гэтаму прагрэсу.

Рэал Сарагоса
Поўная назва	Real Zaragoza, S.A.D.
Заснаваны	1932
Горад	Сарагоса, Гішпанія
Стадыён	Ля Рамарэда Умяшчальнасьць: 34 596
Прэзыдэнт	Хорхэ Мас[d]
Галоўны трэнэр	Віктар Фэрнандэс[d]
Чэмпіянат	Сэгунда
· 2023—2024	15 месца
Хатнія колеры Выязныя колеры Трэція колеры
Галерэя здымкаў у Вікісховішчы realzaragoza.com (гішп.)

«Рэал» з Сарагосы займае 9 радок у вольнай табліцы чэмпіянату Гішпаніі. Шосты клюб Гішпаніі па колькасьці перамог у кубку краіны, клюб перамагаў у гэтым спаборніцтве шэсьць разоў. «Сарагоса» таксама мае перамогу ў Кубку ўладальнікаў кубкаў, што была дасягнута ў сэзоне 1994―1995 гадоў.

Традыцыйна дома клюб гуляе ў белых кашулях і гэтрах зь сінімі шортамі. У гасьцях каманда апранаеццца ў адзеньне жоўта-чорнага колеру. Хатняя арэна завецца «Ля Рамарэда» й зьмяшчае 34 595 гледачоў.

Сябры й супернікі

Традыцыйна ў з клюбам «Нумансія» з гораду Сорыя падтрымліваюцца добрыя адносіны.

Сярод традыцыйных праціўнікаў варта вылучыць «Асасуну» з Памплёны, што прадстаўляе суседнюю правінцыю Навара. Паміж гарадамі 145 кілямэтраў, але калі каманды гуляюць адзін супраць аднаго стадыён звычайна месьціць шмат прадстаўнікоў гасьцявога клюбу.

Таксама існуе й арагонскае дэрбі, калі на пляцу сустракаюцца «Рэал Сарагоса» й «Уэска».

Дасягненьні

• Уладальнік Кубка Гішпаніі (6): 1964, 1966, 1986, 1994, 2001, 2004
• Уладальнік Супэркубка Гішпаніі (1): 2004
• Уладальнік Кубка ўладальнікаў кубкаў (1): 1995

Вонкавыя спасылкі

• Афіцыйны сайт (гішп.)